【80後媽咪】坪洲放電之旅


全年適用

自從搬咗出市區之後
就覺得…兄弟二人好像比以前更加宅啦!
以前佢哋總係好鍾意落樓行行企企、踩下scooter、跑跑跳跳無無聊聊的
但現在同佢哋講不如落街行下啦留喺屋企好悶呀
佢哋就會答我想留屋企喎…..

其實我都明
以前住愉景灣只要我哋一落樓
佢哋就會碰到自己朋友
然後幾個小朋友追追逐逐已經好開心
而家真係唔同晒啦
搬到出嚟冇人冇物咁朋友都唔多個……
佢哋變得咁宅或者是理所當然的吧

對於佢哋快要成為新一代宅男
鴻爸爸真係唔太接受唔到
趁住暑假,爸爸決定要俾佢哋多出街
希望咁樣可以讓佢哋尋找到外出的樂趣
然後能夠成功脫宅
上星期去咗我哋最熟悉坪洲
一落到船細佬豬已經勁開心啦

說實的我真係好鍾意坪洲
每次一入到去就會覺得好平靜、好舒服 

其實坪洲比起長洲,真的悶好多架
係一個冇乜特別小島
我哋入去主要都係踩下單車打下籃球咁 

我哋有兩位踩單車初哥
坪洲踩就最好不過啦

其實朗朗半年前先學識踩兩輪單車咋
而且次成功之後就再冇踩過兩輪啦
哥哥初時同我講話想踩有輔助輪單車
但我仲係覺得佢係應該得架大概只係欠缺信心吧!

踩咗幾下佢就有點想放棄啦… 
呢樣嘢真係似足我

話時話,爸爸最近真係做得愈來愈稱職啦
佢見朗朗搞唔掂就同朗朗傾咗幾句又鼓勵下佢咁
好快朗朗就搵到踩單車節奏

鏡頭一轉
又睇下魚仔細佬先!
超搞笑單車店叔叔一拎出呢部車時
哥哥已經忍唔住指住細佬狂笑
不斷指住細佬恥笑細佬娘娘腔

又真係幾娘娘腔哈哈

三父子好溫馨哦

佢哋踩單車我就周圍影下相

當時已經五點啦不過仲係好熱好曬

仲係第一次踩到盡頭
有個小石灘有間小石屋
度就好啦!咁安靜、舒服

踩咗陣我地就去打籃球
包場咁打超正

話就話打籃球佢地兩隻野都唔係路架

淨係識得行行企企跑來跑去

同埋玩個Daddy

無厘正經都唔係打波…..

唔想打就唔好打,我哋又唔會迫佢哋學
等佢哋大有興趣先囉…..
其實係咁易玩下一家人笑下已經好好啦
最緊要大家都享受快樂嘛……
餘下暑假睇下幾時再有機會入多坪洲一趟先!

作者:80後媽咪遇上10後Baby

相關文章:【80後媽咪】長洲一日遊
     【80後媽咪】溝通比一切重要


熱門文章

青衣室內遊樂場 | 青蛙荷花池主題 有繩網、跳彈牀 $100起任玩
親子放電|海洋公園「家森親子營」 2日1夜野外探索體驗
兒童遊樂場 推介 攀爬設施+可愛造型|親子好去處 (不斷更新)
親子餐廳 2021|全港31間親子餐廳大檢閱
室內遊樂場 2021|全港20大好玩室內放電遊樂場

兒童遊樂場 推介 攀爬設施+可愛造型|親子好去處 (不斷更新)
親子行山 | 龍虎山行山路線 由山頂出發遊覽砲台
親子放電|海洋公園「家森親子營」 2日1夜野外探索體驗
會員優惠|送《赤BIG靈靈狗》電影換票證80張
親子好去處|市區的童話世界—光板田村 大量壁畫任影|貓町媽媽
聖誕好去處2021 | 畢奇精靈空降時代廣場 巨型太空貓+7米木製聖誕樹
查看更多   ▸