白白的 饅頭 ，小朋友看到未必肯吃，有時大人都覺淡而無味。然而，當 饅頭 變身為公主、熊仔、豬仔、狗仔，以及各款卡通人物，又唔同講法，不但連平時偏食的小朋友都食指大動，更可以發揮大家的無限創意。
最近，《Oh！爸媽》跟烹飪達人Cooking Ma Ma 阿 Jo聯乘，為我們的讀者開辦兩場免費的「親子創意 饅頭 班」。Cooking Ma Ma曾出版玫瑰鍋食譜，又幫雜誌主持網頁，平時自己都開不少班教人韓式唧花、創意 饅頭 、蛋糕、月餅、點心等。
大人們和小朋友來到，看到Cooking Ma Ma網上的創意 饅頭 ，初時都哇哇聲擔心好難做，點知各人各做四個 饅頭 卻愈做愈好，卡通人物仲做得非常神似，大家不如一齊嚟睇下！
開始時大家專心聽Cooking Ma Ma教做 饅頭 的材料、分量和技巧，以及點用天然色素幫麵糰上顏色，然後上網找出打算跟住嚟整的卡通造型。
量好麵糰的分量，溝上天然色素。
小朋友好用心聽Cooking Ma Ma教點搓麵糰。
各人自己開始動手做。
小朋友都做得唔差喎！
大家開始做得愈來愈快，而且創意無限，你睇下啲卡通人物似唔似啊？
