日期 | 全年適用 |
荃灣區有8個公眾泳灘,7個分佈喺汀九及深井一帶,另有1個喺馬灣。呢8個泳灘都有一個共通點,就係都可以睇到最少一條香港著名大橋,包括汀九橋、青馬大橋及汲水門大橋。之不過,到底邊個沙灘可以睇到邊條橋,爸媽們又分唔分得清?各個沙灘仲有咩特色大家又知唔知?而家一次過寫俾你睇,全家隨時ready出動!
▲其實睇下張地圖,大約已經知道邊個沙灘睇到邊條橋啦😉
1. 釣魚灣
釣魚灣位於深井,中間位置有馬灣街渡碼頭,過去不時有人喺度釣魚,所以泳灘就取名為「釣魚灣」。
喺釣魚灣可以一次過遠眺3條大橋,面向沙灘左至右分別會見到汀九橋、青馬大橋及汲水門大橋。沙灘約長200呎,中間被兩個分別係新、舊嘅馬灣街渡碼頭間開,但仍夠玩。據環保署資料,泳灘過去3年有超過7成時間,水質都係維持喺「一般」水平。
釣魚灣盡頭有燒烤場、停車場及咪錶,因為駕車方便,但又只有7個燒烤爐,所以假日相當搶手。附近有大型私人屋苑如浪翠園、碧堤半島及麗都花園,仲有大家都熟悉的深井燒鵝,有網民話外賣隻燒鵝去海灘吹吹風都唔錯,爸媽又有冇興趣帶埋小朋友試吓?
▲釣魚灣被一新一舊的馬灣街渡碼頭間開(網上圖片)
▲釣魚灣於1994年停用並在2003重開,燒烤爐於重開前經過翻新(政府新聞署圖片)
地址:青山公路13咪
交通:巴士52X、53、234A、234B;小巴302、308M。
相關文章:【捉緊好天氣☀️】檢閱南區泳灘:BBQ/靚景/人少/好玩攻略