【呀劍萬帥】北角Ryze任彈任跳放電大本營


全年適用

一直好想去既跳彈床, 今日終於有機會嚟試吓! 位於北角既Ryze, 今早上網先買飛, 下晝就出發去彈彈彈啦! 其實知道九展都有一間叫做Bounce INC, 不過又唔想專登入九龍灣玩! 留番下次順路先去。

去到柯達大廈直上3樓, 出咗電梯轉右就會見到呢個中招牌!

再推過一度防煙門入去就見到另一個招牌

沿小樓梯直上就到! 一片藍色天空畫喺牆上面好靚! 不過同佢以綠/黑色為主的設計有少少唔同

由於我預先在網上買飛所以一嚟到俾職員, 佢係我print出嚟張紙上Do一Do Barcode就確認身份lu, 幾方便快捷可以足足玩60分鐘, 唔會浪費咗D時間喺其他手續及準備上

不過價錢都幾貴, 成人$150/小時, 小童(6歲或以下)$95/小時

雖然佢平日星期一至五每朝9:00-10:00有段KidJump時段有Special Discount $95一大一細(但真係太早起唔到身….)

大家注意, 如果你帶小朋友嚟(18歲以下)就要簽一份家長同意書Waiver! 建議大家都係喺網上先填好印出嚟! 如果唔係嚟到先填呢樣嗰樣就好煩!

原先我買咗2:00-3:00飛, 但係因為早咗半個鐘到, 所以職員問我想唔想早D入。我哋就早咗半個鐘入去玩! (後來發覺好在早咗入去, 因為到咗2:00就超多人!!) 呢度既職員一個香港人都冇, 我估大部分都係南亞同埋菲律賓人, 不過同我溝通個職員都識少少廣話!


熱門文章

香港太空館3.15上映《暴龍傳奇》 球幕電影 感受寓教於樂的冒險之旅 票價低至$15/人 | 親子好去處
室內遊樂場|黃竹坑新開3萬呎playhouse 地鐵站步行2分鐘可達 有全港最長兒童忍者道
全港遊樂場|48兒童遊樂場推介 攀爬設施+可愛造型|親子好去處 (不斷更新)
免費遊樂場|市區全新海洋遊樂場!巨型八爪魚 攀爬 塔+4大趣味設施登場
送 廉政公署「小啡豆兒童劇場」門票20套|一同學習「誠實」價值觀

送 廉政公署「小啡豆兒童劇場」門票20套|一同學習「誠實」價值觀
玩轉「王子親」創意繪畫工作坊|召集K1-K3親子 盡情發揮無限創意
送 浪琴香港國際馬術盛典 門票|集 馬術、親子、Lifestyle 於一身
仁濟醫院 推暖心慈善活動!參與月捐及義工計劃 即享復活蛋親子工作坊體驗
藝術展 推介 | K11 MUSEA「THE LOBSTER PAINTER」 + 港鐵香港站《牛仔伴你尋找回憶之旅創作展》 + 信和「Lightwaves 藝光動影」
1:1 LEGO® F1跑車 模型展覽 多個互動遊戲「駕駛」模擬賽車 玩盡全場換領精美禮物!
查看更多   ▸