| 日期 | 全年適用 |
香港迪士尼樂園今個夏天俾濃厚嘅星戰氣氛包圍，作為STAR WAR忠實粉絲嘅Kelly，當然唔會錯過神遊太空嘅樂趣啦。當中小妹最Like嘅係「星戰光劍」DIY，不過大家有冇諗過一把又食得又打得嘅光劍呢？Kelly收到風，迪士尼樂園推出大大條嘅光劍造型玉桂條，千祈唔好睇小佢，佢嘅份量認真唔講得笑！
迪士尼樂園主打嘅「星球大戰：入侵明日世界」一系列活動，小妹已經一一試過，真係恍如置身電影之中，力抗黑暗勢力！小妹覺得最正嘅就係「星戰光劍」DIY，可以按照Kelly嘅Style度身打造一把Kelly光劍，不過原來光劍唔單止可以揮舞擊敗壞蛋，仲可以食埋落肚㗎，醫吓肚餓，真係有好大嘅超能力呀。樂園嘅朋友話，食得嘅「星戰光劍」，其實係將甜甜又健康的玉桂條套上劍柄造型嘅紙袋上，大家可以去明日世界BB-8小食車試一試！
當小妹親眼見到光劍玉桂條真身時，真係O晒嘴，兩位靚仔靚女樂園員工拎上手拍攝時，玉桂條恍如星戰電影入面嘅光劍一樣，大家比試後食咗佢，真係幾好玩！
作者：Kelly Chu
圖：頭條日報
獲頭條日報授權轉載