| 日期 | 全年適用 |
上海迪士尼樂園今日（6月16日）開幕，相信爸媽們都一定好想知道到底有咩好玩，又值唔值得帶小朋友去呢？有咩園區係上海迪士尼獨有？事不宜遲，依家就立刻為大家送上上海迪士尼詳盡版介紹！
全球獨有 以海盜為主題的寶藏灣
電影《加勒比海盜》系列一直深受歡迎，乘着熱潮，上海迪士尼就呈獻全球第一個寶藏灣，帶大家走進一個神秘又驚險嘅尋寶之旅！遊客可以坐上探險船，穿梭一幕幕嘅電影場景、潛入海底世界，發掘寶藏。沿途仲有機會遇到傑克船長、美人魚，甚至令人毛骨悚然嘅海洋怪物添！
︿海底有大量寶藏等緊你去發掘！
尋完寶，可以帶孩子去專為小朋友而設嘅「船奇戲水灘」玩水，佢哋可以喺岩石同濕地間爬來爬去，盡情探索海龜、海星等可愛海洋生物，仲可以化身小海盜大玩水槍，爭奪地盤！
