想睇熱氣球又冇長假去埃及、土耳其?一於去台灣啦！今年7月1日至8月7日，台東鹿野高台將會舉行《2016台灣國際熱氣球嘉年華》，到時色彩繽紛唔同造型嘅熱氣球飛晒上天，好夢幻啊！
除咗睇之外，仲有得聽，有得玩。活動期間將會舉行6場熱氣球光雕音樂會，熱氣球飛行表演，遊客仲有機會登上熱氣球空中遊覽，俯瞰台灣景色。
活動第一周率先登場的是粉紅招財貓High Kitty （7月1日至7月4日）、海洋風Fishbowl（7月1日至7月4日）、大貓熊Panda（7月1日至7月9日）、奇異鳥Kiwi（7月1日至7月13日）。你又Like 邊個？