| 日期 | 全年適用 |
南山邨是一個令人感動的舊屋邨，不過聽石硤尾邨早已翻天覆地，這片本來仍未被染污的樂土，原來4月尾開始靜靜有異動。
不知是否我杞仁憂天，還是「諗多咗」，但我真的很怕這個依然可愛、人情味超濃的舊社區…會被美其名潮食新鮮感，換來另一個領展的翻版？
朋友C：「南山邨熟食亭新開咗間新派甜品舖喎…新嘢，你一定啱啦」我當然最愛去試新食肆啦！今晚飯後即去…
SY：「爸爸！好熱呀！快D入去裹面啦…(你唔玩吓門口張吊牀？)…」於是我抱他上吊牀後，小朋友興奮得搖來搖去也不下來，我：「你唔入去涼冷氣啦？ (SY：好玩吖..我想玩多陣)」
通常我習慣問店員：「有無又靚又好食嘅甜品推介？」女店員答：「覆盤子梳乎厘OREO撻 ($56)~荷蘭班戟雜莓楓糖燕麥 ($68)~我覺得最靚囉(咁就E兩款啦)」
Menu的相，兩款甜品也看似一磅蛋糕一樣，但原來出來的效果，絶對是雙人份量而已。
我超愛食蛋味專一，食了如一陣風，又似沒有食的梳乎厘，不過加入覆盆子…我們4口同聲：「好酸..」
我不愛看Menu，所以勁無知的問：「黑色嗰D係蓮蓉？」舅仔：「好彩係OREO咋，如果係蓮蓉真係又酸又甜，真係酸過DeeDee」
我又問店員：「點解E個叫荷蘭班戟嘅？」茫然的店員問完大廚答：「因為荷蘭真係咁食架喎」
作為土生土長的香港人，還是愛吃沒有花臣的土產牛油煉奶班戟，$10大大件…
我說：「荷蘭人真係講究，又要加咁多生果，又要加早餐麥片，不過加咁多嘢…破壞晒原有班戟味…」
SY細細聲在我耳邊說：「乜唔係新舖頭一定要講好食嘅咩？爸爸…你話唔好食，D人會唔會唔嚟？」(放心啦，講事實啫，同埋…都無人睇你阿爸個BLOG嘅，講乜都得)
另外，凍食有一個檸檬柚子冰($42)，最吸引SY的就是兩粒開邊的雪糕糯米糍，SY：「好食呀！不過OK賣$17蚊，大粒好多」
舅仔一口吃掉柚子說：「嘩！一堆果Jam撥晒入口，真係勁甜…係SY啲小朋友先會鍾意食…」
最後，我要讚一讚石榴奶昔($36)，可能我愛石榴，天時暑熱，清新又香石榴味+凍冰冰奶昔，好飲…
臨走前，本來想給老闆小小意見，但店員答：「老闆呀！佢好少返嚟喎」好奇上網查一查，原來這間甜品舖，正正就是觀塘一間$68玩吊牀一小時的地方。
哦！集團式經營，難怪全店與南山邨的人情味格格不入啦！
chillazy dessert 糖室
地點：石硤尾南山村平台商場熟食亭C4 (石硤尾站B2出口)
開放時間：1500 – 0000 周末(1500 – 0100)
作者：大仁生活