| 日期 | 全年適用 |
適逢康文署博物館整個一月份都係免費開放
今日去番好耐冇去過既香港歷史博物館
仲參加咗個工作坊好開心呀!
我哋沿住柯士甸道一直行到去香港歷史博物館
其實我哋行到去門口見到張海報先記得番今個月係免費
我哋喺地面門口直接入去! 因為一入去就可以去埋厠所同埋香港故事個入口就喺地下呢層
一入到去門口楝咗個牌寫住只可用手機影相
但係我不嬲用單反同埋呢度好暗一定要閃燈, 知道唔用得就好Down
但係影吓影吓發現冇人阻止我, 我就繼續…heee
大家都應該好熟識呢度, 不過芊芊就第一次嚟! 哥哥再嚟就開始夠大個去認識咩叫「原始人」
哥哥拎住部機周圍係咁影, 我叫住佢唔好不停影
叫佢要用眼欣賞, 覺得值得先至用相機記錄
當然佢就冇聽我講啦….結果之後就冇哂電
之後妹妹好大方咁借部機俾哥哥繼續影!
其實呢度都唔知點解要咁暗! 而且哥哥越行就越眼瞓!
我開始用我一知半解既知識嚟講解俾哥哥知
話俾佢聽呢度係元朗既特色, 呢D燈籠叫「子孫燈」
