日期 | 全年適用 |
景賢里早幾年已知道開放給巿民入內參觀
今年終於有呢個機會嚟睇一睇摸一摸!
喺呢度有好多地方嘅建築都令我諗起鄉下……
呢個開放日其實係一個多月前就要去指定地點攞飛
大家要留意佢哋開放日日期同埋派發入場券地點
呢日我哋晏晝喺Time Square食完嘢就起程去景賢里(我哋拎咗星期六既3:30-5:00參觀時段)
去到利園山道等26號專線小巴上司徒拔道
26號小巴係可以直達景賢里門口落車(大約15分鐘….都係因為塞車)
因為太多人企喺牌扁下影相, 所以我哋先入去參觀, 臨走先補影番張相
職員睇過我哋既飛之後就放我哋入去, 係唔會收咗張飛!
入到嚟從旁邊望落去就見到個私家泳池!
嘩真係好大! 好似個標準50M池咁
原名禧廬,係一座有78年歷史的嶺南大宅,建於港島山邊的歷史豪宅之一
我喺度幻想如果我有個咁大既屋企, 究竟要請幾多個工人先夠?
行到前園有個大水井(當然依家已經封咗啦)
即刻令我諗番起細個喺鄉下打水玩!
所有既建築都好復古, 其實前身有好大部份既地方都毁壞咗
只不過經修復後靚仔番哂!
職員已經設定咗條參觀路線
我哋由右手邊樓梯開始行起上到二樓
入到嚟大屋既上層, 唔單止屋裡面既設施好有懷舊Feel
就連天花同地板都好有特色
有D房間設有展板講述大屋的結構