【80後媽咪】長洲一日遊


全年適用

hi, 我係鴻仔,
朗朗魚仔的爸爸!

對我來說, 陪兩個仔遊山玩水是生活的奢侈活動,
我不解釋為何是奢侈品啦!
懂我們一家的人或許會知道!

難得一日假期加兩個囝囝復活節假期,
又怎能夠唔玩盡佢!

出發前一日, 電話彈出一句動新聞信息,
長洲迫爆2.4萬人,
嘩嘩嘩…………
心諗: 無入長洲幾年, 乜原來而家係假日聖地!!!
個個都湧入長洲,
連長洲居民都叫苦連天, 要求原居民可優先搭船!

再諗深一層,
香港有幾大!!!
小朋友假日, 難道仲留在石屎森林被大廈和金舖電器舖包圍咩!!!
當然要遠離藥房同大集團, 親親大自然, 親親仍可被我們掃街的小店!!!
這個年頭, 還有特色小店, 真係要分外珍惜,
小店有的特質係大公司永遠都俾唔到我哋!!!

講番朗朗先,
我問佢: 點解咁想入長洲?
朗: 我要去張保仔洞探險找尋寶藏!!!
我心諗: 明明佢哋唔會睇TBB的張保仔, 點解會識張保仔???
朗朗連johnny depp都未睇過,
佢又真係咁想去探險咩!!!

原來之前佢哋去library睇了一本關於海盜的圖書,
所以對張保仔十分有興趣,
睇書真係會啟發一個小朋友去自我尋求自己未懂的領域!!!
多讀書, 增知識!!!

20160413_post80_02

除了我地一家四口, 今次還有婆婆表姐一齊去長洲!!!
去程長洲, 全船full晒, 大家真係要早D去排隊,
我地乘搭快船, 大約40分鐘左右!!!

20160413_post80_01

到逹長洲,
本來無想過食大大大粒魚蛋,
因為我心諗只係一粒比較大大大粒的魚蛋!!!
哈哈哈……..
但左望右望, 你就會被”大魚蛋氛圍”濃濃包圍著,
人人都攞住一寸再加行兩步又係賣大大粒魚蛋,
叫我們如何不買大魚蛋!!!

大魚蛋食後感: 嗯………我覺得……….其實…………係大魚蛋一粒囉
估唔到長洲通街都係小店, 一路行一路掃街!
完全不用食正餐!
不過講到掃街FEEL, 始終都係爭少少!

自己的掃街情懷係點來?
想當年90年代, 通街都有小販,
我都係喺青衣長康同長發大,
當時的小販多不勝數,
行兩步就有得拮魚蛋, 雞蛋仔, 串燒, 碗仔翅………..
無街邊小販又點能稱得上完美的掃街!

20160413_post80_03

出發去張保仔洞中!!!

講番我對張保仔洞的印象先,
一個入口好窄的山洞,
洞內好濕, 好黑的,
無乜人會去,
洞外有好靚無敵大海景!
仲有, 溝女必去囉, 哈哈, 想當年就係咁純情架啦!

20160413_post80_04

到達張保仔洞現埸

20160413_post80_05

tbb有無咁勁啊, 張保仔洞竟然竟然竟然出現人龍,
排隊入洞, 令人驚訝!!!
我做咗咁多年人, 真係史上第一次排隊入張保仔洞!

20160413_post80_06

我吔足足排了接近60分鐘先到達入口,
唔講仲以為自己去了迪迪尼排機動遊戲!!!

20160413_post80_07

當我哋排到仲有十個人就到達洞口之時,
前方不停都有小朋友行番出來,
我就八八掛掛問: 仲乜唔入洞, 行番出嚟, 小朋友好難入咩?
佢: 入口好細, 同埋都幾高下, 入去時小朋友未必得!!!

20160413_post80_08

我立即google下”張保仔洞受傷”
嘩………..真係GOOGLE到好多受傷新聞,
不過唔緊要, 我哋都會勇敢嘗試!!!
好似米妮話齋: 只要你勇敢嘗試, 你都可以係英雄!!!
當我哋仲驚緊入口係唔係真係太高, 洞內環境是不是太黑?

朗朗婆婆問: 想問下我依個SIZE能夠穿越這個洞? 如果被困又點好?
一位見義勇為的男仕話: 放心, 被困的話, 我會幫你報警!!!
我心諗: 婆婆依個問題簡真係神級。

無驚無險,
全程兩分鐘左右就行番出來。

20160413_post80_09
當好多小朋友都”被放棄” 唔入張保仔洞時,
其實小朋友都有權選擇自己條道路,
其實佢哋係做得到, 請相信小朋友。

長洲一日遊{完}

HEHEEE…
我哋最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度….
同我地做個朋友仔啦!!!!

作者:80後媽咪遇上10後Baby

其後文章:【80後媽咪】與孩子分享時事新聞 睇書以外的好選擇
                   【80後媽咪】今日有乜嘢功課呀 ?


熱門文章

青衣室內遊樂場 | 青蛙荷花池主題 有繩網、跳彈牀 $100起任玩
親子放電|海洋公園「家森親子營」 2日1夜野外探索體驗
兒童遊樂場 推介 攀爬設施+可愛造型|親子好去處 (不斷更新)
親子餐廳 2021|全港31間親子餐廳大檢閱
室內遊樂場 2021|全港20大好玩室內放電遊樂場

兒童遊樂場 推介 攀爬設施+可愛造型|親子好去處 (不斷更新)
親子行山 | 龍虎山行山路線 由山頂出發遊覽砲台
親子放電|海洋公園「家森親子營」 2日1夜野外探索體驗
會員優惠|送《赤BIG靈靈狗》電影換票證80張
親子好去處|市區的童話世界—光板田村 大量壁畫任影|貓町媽媽
聖誕好去處2021 | 畢奇精靈空降時代廣場 巨型太空貓+7米木製聖誕樹
查看更多   ▸