| 日期 | 全年適用 |
今日又帶住兩隻嘢去上興趣班
全日有好多空檔唔知做咩好，所以決定再嚟Play House玩番日
陪妹妹學完跳舞之後，就同佢哋兩個去飲茶！
因為到3點先至到哥哥學畫畫，所以我哋飲完茶就一齊去Play House玩
俾一次錢可以全日無限次進場任玩，所以都抵番晒！
上到開心廣場二樓Pizza Hut轉個彎就會見到Play House嘅入口
沿住樓梯直上就到！(當然你都可以選擇喺開心廣場側搭電梯上嚟啦！)
進場之前你一定要除鞋！地方都足夠可以放埋雨傘同埋BB車
呢度真係好識做生意，仲有扭蛋機同埋玩具賣！
因為呢度可以預訂生日會，所以仲有好多生日Party用品賣
唔同日期唔同時間都有唔同收費，今日星期六$120包一大一小
但係我先俾$10做咗會員先，就可以用$105入場，如果大家係5:30先入場$85，仲可以平好多
每個入場朋友都會有條手帶，只要一直帶喺手度就可以全日無限進出
