| 日期 | 全年適用 |
Hysan成日嘈住話要去釣魚
今日就達成佢個願望同埋舅父一齊去玩吓啦
不過佢哋咁冇耐性一定冇可能喺碼頭度等魚上釣
所以我哋今次去咗天水圍一家新開的釣魚場「幸福山莊」
我哋今日去完教會返屋企附近食個麥記午餐
跟住舅父就開車嚟接我哋
我哋用咗大概半個鐘頭就去到天水圍
不過條路都幾偏僻
去到天月路側有條路叫輞井圍轉入去就到
呢度唔算太大
有一個弧形帳篷
裡面係供燒烤嘅朋友喺度BBQ
另外行條短樓梯上去就係釣蝦場！
因為釣蝦比較多人所以要留名排隊
不過都唔駛太耐，大概半個鐘就有得玩！
行番出嚟釣魚場呢邊
有兩行浮台可以行出去海中心垂釣
一條係有欄杆另一條就冇
所以有小朋友的各位最好帶佢哋行出去有圍欄嗰邊
這是企喺浮台望番過去燒烤場的角度
