作為其中一個 Sanrio 元老級角色,大口仔 Minna no Tabo 一直都算係比較低調,但都無阻佢傻氣又純真嘅形象俘虜唔同年代嘅 Sanrio Fans!新年流流,最好就當然係等大口仔同大口妹孖住同大家拜個早年迎春接福啦!唔講唔知,原來佢地已經著好哂醒目嘅賀年套裝,坐定定喺唔同嘅置富 Malls 準備就緒等大家喇!
但點解話係日式新年呢?因為大口仔為大家準備嘅佈置每一個都和風十足架!例如喺置富都會,大口仔同大口妹就乖乖咁著住華麗嘅新年慶典服飾、跪坐喺蒲團上面,一齊為新嘅一年祈福!
馬鞍山廣場就以寓意抓住幸福的日本新年掛飾竹耙「熊手」作為背景,由大口仔同大口妹帶著一班朋友一齊為大家許願祈福,祈望將明年的好運、健康、幸福通通耙入屋企!
而喺置富嘉湖,大口仔就喺印有富士山山景嘅鳥居襯托下同大口妹登上一艘載滿開運元寶的寶船,等埋大家一齊駛進浩瀚嘅海洋,寓意新的一年招財進寶,財源廣進!