【落住雪溜冰】飄雪陪你過聖誕 @ 太古城中心


自從阿囝知道今日可以去溜冰, 每日都超興奮. 今朝放假08:30就起床:「爸爸! 係米去溜冰呀? D起身啦」.
 
 
 
可惜清晨04:00才睡的我, 很不情願地答:「我哋夜晚先去呀!大佬不如畀我瞓多一陣先啦」
 
 
 
結果小朋友走去問阿太:「我哋去邊度溜呀? (阿太:上次玩波波池嗰度呀!)…!好呀!.., 可以玩幾耐…(下刪唔知幾多字), 因為我又不知不覺, 安然再進入甜蜜夢鄉啦…Yeah!
 
 

黃昏時份, 一家三口走到太古城中心溜冰場, 一去到SY大叫:「嘩!點解有咁大棵聖誕樹係裡頭嘅!!!, 好特別! (:有咩特別?), D冰上面, 有棵聖誕樹仲唔特別.

 
 
 
原來, 今次真的是太古城中心, 第一次將整棵巨型聖誕樹移師入冰場, 即時覺得好像今日就是平安夜一樣. 氣氛爆燈.
 
 
 
以往溜冰, SY都習慣推BB車護航, 今次冰場沒有護航車, 小朋友登時腳震震
 
 
 
不過, 其實阿囝都算大膽, 因為只是最初扶了欄杆行了半個圈, 之後便放膽慢慢溜.
 
 
 
而我就因為幾十年沒有再接觸冰場, 竟然連鞋帶也忘記了如何縛, 幸有工作人員Celia幫手:「不如我扶你去旁邊縛返啱先啦, 如果唔係會好危險」
 
 
 
 
就在這時, 剛剛好搭正6, 音樂突然變了X’Mas Snow, 而冰場上左右各2個吹風口, 慢慢向我們噴出飄雪, 我對SY:「落雪啦!!, :「係呀! 好嘢呀!, D去捉雪啦, 爸爸!
 
 
 
其實, 飄雪的數量也不少, 不過冰面是白色的,而且環境又較光, 所以要抬頭才能看到漫天飛雪.
 
 
 
大約一首歌的時間, 白雪紛飛的情景便結束, 全場人也大呼:「哦!完咗啦無雪囉」一切又打回原型.
 
 
 
跌跌踫踫的SY, 好彩又得Celia帶着滑了一個圈, 之後他又可以大膽向前加速. 更不時衝向阿太, 怕跌的阿太:「唔好撞埋嚟盞兩個一齊跌」
 
 
 
我叫阿太找Celia帶路, 她又怕羞:「我又唔係小朋友, 大人大姐咁魚, 我自己慢慢行就得喇, 唔好踫我, 啦啦啦..唔好捉住我, 我自己嚟」(真係死要面)
 
 
 
轉轉圈, 又和SY行行走走, 原來我也沒有忘記, 半世紀前玩過的溜冰技巧, 哈哈!! 臨走再入冰場, 即時又再拉高全場平均年齡
 
 
 
 
! 快樂不知時日過, 霎眼又30分鐘, X’Mas Snow音樂又要響起小朋友又發狂的衝去玩雪, SY不停大叫:「多啲多啲多啲」(無錯!我都覺愈多愈浪漫
 
 

太古城中心冰上飄雪聖誕

日期:2015.11.27 – 2016.01.03

飄雪:由11am 至9 pm每半小時一次


熱門文章

8月自助餐優惠| 24間酒店自助餐優惠大集合 最平兒童$182起 至抵價任食即開生蠔/和牛厚燒/波士頓龍蝦
室內遊樂場 │37間康文署免費室內遊樂場合集
親子好去處|藏身商場平台公園 史努比開心世界 免費公園+獨木舟+打卡位
室內遊樂場|全港21大好玩室內放電遊樂場
親子餐廳 2022|全港32間親子餐廳合集 攀爬架/室內沙灘/靚靚打卡位

8月自助餐優惠| 24間酒店自助餐優惠大集合 最平兒童$182起 至抵價任食即開生蠔/和牛厚燒/波士頓龍蝦
暑假度假|11間親子 Staycation 酒店優惠一覽|迪士尼+姆明+維港+挪亞方舟+歷奇體驗
親子好去處│ 恐龍 出沒注意!3D恐龍電影+恐龍化石展*必睇預約攻略*
室內遊樂場 │37間康文署免費室內遊樂場合集
暑假好去處 | 8 月親子好去處 /活動大全
室內活動|將軍澳中心 18款稀珍活體甲蟲及標本+工作坊+打卡
查看更多   ▸