【迪士尼十周年】飄雪‧煙花‧魔法書房


SY:「雪呀!真係落雪呀! 哈哈! 好多雪…好靚」原來不停吹出一大堆肥皂泡的效果, 竟然如此壯觀. 我有一刻覺得自己真的置身冰天雪地.

DSC02962

香港迪士尼樂園 10周年, 有《Happily Ever After》震撼三嚮炮推出….(無端端一霎眼就十年, 記得2005年入園試玩, 還未有小朋友…咁快SY已經重到我就嚟唔可以再同佢玩騎膊馬)

DSC02716

第一炮: 金裝米奇變身「迪士尼魔法書房」

DSC02719

步入書房前, 大門口佈置如同金象獎頒獎典禮一樣, 紅地毯簽名儀式…SY:「爸爸! 要寫邊個名呀?…(我:你鍾意啦)」

DSC02734

全新音樂劇是以米奇, 及高飛攪攪震, 打開了魔法書, 拉了小白出來…於是便在28分鐘內, 將小白帶回魔法書…

DSC02760

SY一見到米奇就大聲說:「哦!原來係尖沙嘴個本書呀?? (我:咩書呀?), 呢…搭船嗰度, 之前有100隻叮噹呢…你話今年好水皮嗰度」他是說海港城.

DSC02908

歷險旅程有點似4D唐老鴨的舖排, 7個迪士尼故事, 《小泰山》、《小魚仙》、《魔髮奇緣》、《勇敢傳說之幻險森林》、《阿拉丁》、《公主與青蛙》及《魔雪奇緣》

DSC02803

最吸引就是米奇會穿梭魔法書, 及舞台…小白又會熱溶只剩下半身…SY:「哈哈…小白得返個PatPat, 好咸濕呀」(吓??阿囝…你係米諗多咗呀?)

DSC02935

華麗舞台之後, 便是聖誕樹亮燈開始…愛莎女皇一出…又見雪飄過, 冰雪小鎮大街登時靚到不得了, 街上播出Let it go…估不到連我頭頂上的小朋友也首次開金口唱了2句:「 Let it go, Let it go」

DSC02966

看了小朋友真的上了電一樣…以前我經常叫他唱歌, 他會答:「女仔先會唱 Let it go, 我係男仔…」, 而且他竟然主動要求從我頭頂落地…理由好簡單, 因為他要玩雪, 不停玩, 好似對肥皂泡有仇一樣, 踢打捉吹劈…

DSC02977

高潮一浪接一浪, 之後便是SY經常提及的「星夢奇緣」煙花匯演…匯演前有8星伴謝安琪出來獻唱, 不過小朋友不是謝安琪是誰, 他說:「幾時先放煙花呀??」

DSC02984

加入城堡投影, 配合煙花, 足足有49位迪士尼朋友遂一出現…其實, 十年來的煙花也沒有變過, 今晚也一樣. 不過加入新意思, 絶對新鮮感爆燈.

DSC02993

全程O咀的SY:「嘩! 嘩! 嘩! MO仔… 反斗車王…嘩! 醫神…」(點解你咁興奮呢? 咪同你睇D煙花一樣)

DSC02979

SY:「點同呀!! 佢變咗同日本個迪士尼咁, 有公仔, 好好睇」(係. 老實講, 我都無睇煙花, 我係度數有D咩主角出場, 都睇得好開心)

DSC03041

煙花完結後, 便是我最愛的集郵時間… 10位主角換上新裝, 當然要和新人王Duffy 及 ShellieMay來一張合照啦.

DSC03051

不過, 小朋友還是愛貼紙, 今次10周年有一大一細新系列貼紙…四位貼紙大使:「小朋友你講得出佢哋嘅名, 我就送晒畀你, 好唔好…」(E一刻阿囝又笑到見牙唔見眼)

DSC03055

今晚SY撞跌了男神與他另一半的背囊, 我大聲叫SY道歉, 誰知男神非常好人:「無事, 無事, 唔關佢事…無問題, 小朋友, 我哋繼續玩, 要玩得開心啲喎, 拜拜」(男神真態度, 連阿叔我都有小小鍾意咗佢添呀!)

DSC03076

之後, 還有扭波波哥哥, 他問SY想要甚麼公仔, 阿囝答:「米奇」. 不用一分鐘米奇波波出來了…(我心諗:早知叫佢扭個Duffy畀我啦)

DSC03098

完場時, 還有歡送儀式, 十足十去飲朋友結婚酒一樣…不過今次跟我們拜拜, 握手的是偶像…

DSC03119

我不捨得走, 就連SY也說:「吓!咁就玩啦…幾時先可以再玩呀? 我唔想走…(我:點解呢?), 我唔想咁快到聽日又要返學呀…」阿囝真的似我…因為我都一樣唔想咁快到聽日又要返工呀!

 

香港迪士尼樂園10周年「A Happily Ever After Christmas」

日期:2015年11月17日至2016年1月3日


熱門文章

室內遊樂場 2021|全港20大好玩室內放電遊樂場
親子餐廳 2021|全港31間親子餐廳大檢閱
兒童遊樂場 推介 攀爬設施+可愛造型|親子好去處 (不斷更新)
【親子遊車河】50個香港自駕遊好去處
香港沙灘 好去處|10大水清見底隱世泥灘/ 沙灘

兒童遊樂場 推介 攀爬設施+可愛造型|親子好去處 (不斷更新)
親子放電|8大戶外障礙項目@海洋公園 鍛練身手及堅毅精神
親子好去處︳挑戰膽量的户外遊樂場︳安妮媽媽親子日記
親子好去處︳魔雪奇緣安娜之花花海+美少女戰士打卡板︳龍鳳孖媽
親子好去處︳錦田鄉村俱樂部+天空之鏡︳貓町媽媽
親子好去處 | 元朗信芯園3萬5千呎向日葵花海 香檳色+酒紅色向日葵登場
查看更多   ▸