【鳳園嘉年華】限量玫瑰雞屎籐好食到不得了


全年適用

「鳳園」可以睇蝴蝶,我也是因為魚子媽報料才知道,「每年10月仲有嘉年華會、導賞團(我:咁平時可唔可以自己去?),梗係得!但平時無攤位遊戲、工作坊同專人講解蝴蝶知識架!」

所以鳳園嘉年華當日(10月18日),我們一家三口便第一次走入大埔鳳園睇蝴蝶!

鳳園就是在大埔墟火車站坐20P小巴,由總站到總站,大約15分鐘便可到達,非常方便。

不過,因為今次我們先到嘉年華會玩遊戲,所以就在鳳園路口落車,先進入遊樂場玩攤位遊戲。

小遊戲包括有「禾稈草波」射籃,又或者變成保齡球撞擊竹製保齡球樽。

辛苦晒執籃球的哥哥,因為遇著一位對籃球架有仇的SY,累到哥哥要左撲右撲,身水身汗。

禾稈草又可以做馬仔,我問姐姐:「可唔可以造稻草人呢?」射波射到慶起的阿囝竟然問:「我想造個籃球,得唔得呀?」可惜姐姐答:「我只係識造馬咋…」

我問努力教SY做稻草馬的姐姐:「妳今日造咗幾多隻呀?」純熟手藝的她答:「多到我都數唔到啦…」

不夠3分鐘,稻草馬登場,SY:「原來有隻大馬,佢哋係爸爸同囝囝…」(其實我覺得你隻馬似十足TVB宮庭劇果D後宮佳麗「厭性之術」所用的降頭公仔多啲)

玩完禾稈草,小朋友又繼續做勞作,今次是汽水罐盤栽。其實…會不會為環保而環保呢?好地地的植物放在小盤內,應該會更能茁壯成長喎…

當SY埋首製作他的盤栽,我忽然看到旁邊有師傅正在蒸食物:「師傅…咩嚟架?」

忙於睇火的師傅答:「玫瑰花雞屎籐,限量得一盤咋…」紫薯製的玫瑰花靚到不得了,難怪人人也急不及待,在未蒸熟的情況下,呆等15分鐘…

鄉村小食,配合地道風情,味道真的零舍不同!有豆沙餡、沒有豆沙餡的兩款,同樣好食…

可能我真的太肚餓,下午14:45先食全日的第一餐…玫瑰雞屎籐好好好味呀!

作者:大仁生活


熱門文章

親子餐廳|帶孩子去貓貓Cafe玩 $60/小時 飲品$8起|Kiana的成長日記
親子好去處|親子森林夜行探索大自然另一面 睇螢火蟲+小動物認識昆蟲
親子餐廳 2022|全港28間親子餐廳合集 攀爬架/室內沙灘/靚靚打卡位
全港遊樂場|44兒童遊樂場推介 攀爬設施+可愛造型|親子好去處 (不斷更新)
Playroom|荔枝角新場Wonder valley 波波池+旋轉木馬+冰壺|鄭小B之成長日誌

全港遊樂場|44兒童遊樂場推介 攀爬設施+可愛造型|親子好去處 (不斷更新)
紅葉|大棠楓香林霜葉如花 下周溫度急降料美景醉人
香港海運週|香港海事博物館免費開放 多項活動必玩模擬駕船體驗
親子好去處|哥爾夫球會粉嶺球場歷史生態遊 6大景點免費參觀
親子好去處|香港救助兒童會利東街慈善巿集+藝術工作坊 網上預約詳情
吉利蛋公園日本打卡好去處!6米高吉利蛋+3條長滑梯+搖搖板鞦韆 盡情放電
查看更多   ▸