等足整個暑假, 期待過小學生旅行… 終於今日我和阿太可以「Slide the City」啦!!
SY問:「你哋去邊?」因為阿囝未夠八歲, 及117cm高, 所以他不能跟我, 但他一樣去玩水, 就是由公公帶他到觀塘泳池游水。
油塘MTR A2出口, 有穿梭巴士可以直接到「Slide the City」, 我問舉版的工作人員:「你要企足一日㗎?」, 她答:「我哋有2, 3個人輪留嘅」（辛苦晒!!）
車程只是15分鐘, 一到會場大門口, 已經有大量人潮…我即時捉住實阿太右手說:「我有不詳預感…可能排好耐」, 阿太:「部巴士得十個人, 我仲以為無人嚟添。」(我兩老實在太天真)
每人的「滑水包」都有一個大水泡… 但工作人員說:「朝早免費借嘅泵壞咗, E家要$20借一次。」(我咁鬼姑寒…唔駛啦…我用口吹就得啦！)
結果一個人吹兩個水泡, 吹到我有點想休克…
我們先換衫, 再購買$20一個Locker, 於是正式排隊時間就是15:07分…我問前面的型男瀡了多少次, 型男答:「我哋12點嚟, 瀡咗一次, E家排第二次…」(3個鐘頭玩得一次?? 死!! 好驚！)
排隊期間, 我走訪四周, 整個場很大, 有不同美食檔…例如有美少女賣原隻西瓜盅, 三色大筒冰, 各$65。
又有LAB MADE分子冰茶,$45；西人小食 Waffle等等… (可能剛剛去完日本大出血, 糧又未出, 好彩頭先食飽晏晝先過嚟咋… )
幸好在場有不少攤位遊戲, 而且更是免費… 例如射乒乓波, 只要射到4個就可以得到ape大毛巾…7個更有大水槍。(我只射中一粒, 獲得85折優惠券…不要浪費資源, 我即時畀返佢。)
Sony最好, 免有印水紙幫你貼上身, 是防水水滴仔… 我問工作人員：「妳印得咁熟手嘅??」 她答:「係呀! 我今朝一早就嚟印, 梗係熟啦！」
滑水梯好長… 好斜… 但大約於3/4位置明顯有綠色及藍色的分別…點解呢?
終於我發現…原來這個綠色, 藍色的分隔線, 正正就是大水泡由慢變停的位置… 即代表綠色部份就是「Slide the City」。
而藍色就變成被迫「Walk the City」… 究竟我可否打破這個宿命呢?? (其實…有少少浪費…因為餘下的1/4位置, 應該可以瀡多20秒㗎！)
今日我倆排隊期間, 一眼也沒有望手機… 因為我將電話放了入Locker, 忘了跟身, 阿太:「算啦…攞一攞又要廿蚊, 忍吓啦」(原來望著周圍啲人不停玩, 自己無得玩手機, 個心痕過畀蚊咬。)
排呀排… 等呀排… 終於到16:59 我們終於入閘… 可以上樓梯啦!! 我:「都好…都唔駛排2個鐘…」, 阿太一邊上樓梯一邊答:「係呀! 1個鐘頭52分鐘咋… 咁咪即係2個鐘囉！」
一上到2樓, 有工作人員大叫:「左邊狂野時速, 最刺激！」(唔駛講咁多, 刺激啱我, 我叫阿太你落先, 我之後跟住你嚟。)
坐在大水泡上, 一衝而下, 水泡又360度轉, 配合對面海北角, 鰂魚涌維港景… 絶對衝得過癮, 滑得爽…
不過30秒真的太快… 我還未夠喉又已經到達綠藍停止線… 果然普通仁是不能突破宿命… 這樣就完成了超好玩的「Slide the City」…
阿太:「好好玩呀! 最衰約咗人食飯啦, 唔係再排多次隊…」(算啦…人龍又長咗好多啦…如果排起碼再等3個鐘, 出年再嚟過啦)
其實, 我一樣不捨得, 一樣好想玩, 不過我實在太低估6000人的威力…
假設2小時玩一次, 如果明年我10時半到達, 只要自備凳仔, (21:00截龍….), 我都可以瀡5次㗎!! (好想玩…好想瀡…真係好有當年水上樂園Feel呀!!)
~不介意的話…可以有少少片段齊齊瀡啦!!
作者：大仁生活
