日期 | 全年適用 |
新年長假期 來一個突如其來的新春+情人節之旅
為各位媽媽們重點推介三大關西親子遊必去之選
今日一起身就出發去黑門市場,咁就當然要醫飽兩位小主子個肚先啦
我地搵咗間有得堂食嘅食堂,叫咗啲大人鍋物壽司,MENU竟然見到佢哋有一個幾百YEN既兒童餐
有湯烏冬、有飯、仲有果汁,加埋兩隻日式摺紙 ,日本餐廳就是這麼貼心了
大阪掃街,一定要推介黑門市場
即開生蠔、海膽 ,2000YEN就有交易
一見到櫻花粉嘅TORO就知入口即融啦,必食推介
CHECK OUT咗之後,我哋就包車由大阪出發到有馬
*只需一個多小時左右就到咗哩個關西最古老嘅溫泉之鄉
關於有馬: 有馬溫泉既地質環境特殊,同一般火山地形嘅溫泉區唔同,呢一帶附近係冇火山地形
但竟然有溫泉水從地底下60公里處湧出,相當特別
而有馬溫泉最出名莫過於「金泉」同「銀泉」
「金泉」係含鐵鈉強鹽既高溫泉,有保濕殺菌效果
「銀泉」係碳酸泉,可以加強血液循環及促進新陳代謝,消除水腫 (* 嘩嘩嘩 女士恩物)
而大家到訪有馬,就一定會見到一個流住金黃色小橋流水既【親水公園】 打咭聖地
而當地相當出名既街頭小食仲有炭酸紅豆饅頭,
及整個有馬都在賣的炭酸餅,手信名物,
個人推介清新嘅綠茶口味炭酸餅
嚟到有馬,一定要行下呢條好有日本風情嘅商店街
起點有一間玩具博物館,樓高3層,門口就會見到一個特色打咭位
內藏多款特色日本木製玩具,可愛精緻,包包大愛
博物館對面就有一個免費溫泉水泡腳區,可以坐低慢慢嘆
一直沿斜路行上去,就會見到一個迷你鳥居
原來鳥居係日本神社既建築之一,傳說係一個連接神明居住的神域與人類居住的俗世通道
所以我哋就教包包入鄉要隨俗, 稍微鞠躬敬禮以表示對神明嘅尊敬
今次到訪有馬主要係帶二寶體驗一泊二食
當地有好多間溫泉旅館,最後就選擇咗地理位置相當方便既【有馬御苑】
一般喺日本一泊二食既房間面積都相對大,絕對有足夠空間俾小朋友跑跑跳跳
仲可以同包包細佬B玩小朋友大愛既HIDE & SEEK
而且TATAMI牀鋪就唔駛擔心小朋友跌落牀既問題
CHECK IN 後就會有職員到房間為客人量度所著和服嘅SIZE
而且酒店相當貼心,為小朋友準備咗浸溫泉而攜帶嘅熊貓澡堂小袋
內有小朋友嘅毛巾同小牙刷
嘩﹗ 真係估唔到連細佬B嘅和服size都有
同家姐一齊著嘅和服look真係好kawaii呢
著得咁靚當然要影番張家庭相啦
*學校成日都要交家庭合照架嘛,大家閒時記得影多啲
體驗一泊二食,最期待一定係佢地精心製作嘅晚餐
用餐前同包包玩下佢地休閒區嘅迷你乒乓小玩意先
嘩嘩嘩~開餐喇,呢份國產牛料理真係不得之了
刺身、天婦羅、shabu-shabu、燉湯、甜品,真係一次過滿足晒貪心嘅味蕾
至於細佬B因為不佔餐, 所以派到日本香米飯一碗
白飯咁dry…..見到家姐份兒童餐咁豐富
又玉子燒、炒飯、意粉、炸蝦、沙津、漢堡 、布甸、橙汁…..
一定要同細佬B開心share啦
食飽飽,休息陣,就帶咗包包去體驗傳聞中鼎鼎大名既金湯銀湯
溫馨提示:因為泉水溫度偏高,唔係個個人體質都可以,而且浸泡時間要適可宜止哦
不過包包表示好好玩,就連户外既銀湯都有試浸