日期 | 全年適用 |
上年都有同大家分享過呢個咁正嘅海邊燒烤,今年再去BBQ場仲加咗新嘅設施。
新嘅設施有「冷氣燒烤車」、「手搖船」。
>> 舊文重溫 <<
因為秋季都係BBQ旺季,所以都建議大家預早打電話預約再過嚟。
而坐海邊,就會加少少錢。
我哋當日大概4點左右到,可以睇埋日落~
而且當日好涼爽,吹住海風真係好舒服!!
帶住妹妹去BBQ,真心要再讚一下呢張野餐椅~
佢仲有配備一條帶,可以綁緊喺椅子上,好安全呢!!
經過上年嘅經驗,今次我哋就做好準備。
帶定拖鞋、玩沙工具~
帶住小朋友去燒烤,好動嘅好朋友點樣可以坐定定幾個鐘呢?
所以帶小朋友去BBQ,揀燒烤場都好重要!!
我鍾意去呢到係因為,有得玩沙、有公園、及其他放電設施,同埋就係空間足夠,爐與爐之間唔會太近。
**同埋呢到有育嬰室
仲有得睇日落!!
同埋玩手搖船(遊戲一節 $30/15分鐘)
兒童遊樂設施唔少得,啱晒好動嘅小朋友。
除咗海邊露天BBQ,仲有有蓋BBQ空間。
疫情關係,離開座位都必須戴上口罩。
^除咗要戴上口罩之外,拎完食物都記得要用搓手液。
玩到天黑,仲要嘆埋雪條~
價錢方面:
– 開爐費$55 (包兩包炭); 買炭$25/包
營業時間:
星期一休息(公眾假期除外)
星期二至五:2pm. – 11pm.
星期六:12nn. – 1am.
星期日:12nn. – 11pm.
公眾假期及特別日子及前夕:另行通知
*食物供應: 完場前1小時停止
前往方法:
– 於屯門西鐵站/ 屯門市廣場/ 屯門碼頭 乘搭 K52 港鐵接駁巴士,於龍鼓灘(總站落車) 再步行
– 駕車的話,BBQ場有免費停車場
【龍鼓灘海邊燒烤樂園 @ 屯門】
屯門龍鼓灘村 136 地段 (天后古廟隔鄰/K52龍鼓灘巴士總站對面)
電話:2613 8129 / 5601 1002
————————————————–
作者: 和牛b的成長日記
相關文章: