| 地址 | 大嶼山無人島 |
天氣凍冰冰最好就係被暖暖嘅太陽曬住。
琴日就去咗呢個大嶼山無人島渡過溫暖嘅下午呢度有山有水有石灘，海水清澈得見底，而且仲有蟹仔同螺！風景超級優美！
由欣澳海堤路出發（港鐵欣澳站側），轉入欣澳石灘就會見到郊遊徑，行約20分鐘到鹿頸村碼頭，之後沿着石灘行，退潮時就會出現長索連島沙洲 ！
呢度真係好靚！望出去大海嘅對面仲會有機場快線經過，小朋友實好鍾意❤️
全程大概1個半小時，我哋出返嚟後揸車去埋時光隧道️下次再分享。
溫馨提示：
欣澳海堤路至鹿頸村郊遊徑全平路，適合推BB車及踩單車，但如果要去長索無人島就需要放低車仔係樹下空地先可繼續行。
作者: 小肥子星球
其他文章﹕
【小肥子星球】親子好去處︳10分鐘船程去搵菠蘿包石頭@橋咀島