| 日期 | 全年適用 |
編按：新冠疫情影響下，大家取消所有旅遊行程，只能待在香港。家長想和小朋友行山，但怕他們應付不來？那麼可以從BB級行山路線開始，80後全職媽媽日前在Facebook 專頁《喬b成長日記 x 車厘媽生活日常》分享帶孩子行粉嶺流水響水塘，來回全程只需要1.5小時。
久違了的郊外行程，難得天氣回暖少少，決定快閃一轉野外，行一個BB級嘅路線。因為我哋無行上山頂，所以來回全程只需要1個半鐘（包括影相時間）。
週末嘅郊外例牌人頭湧湧，特別係呢啲有打卡熱點嘅路線，每個點基本上都要排隊等影相。不過紅葉就真係預料之內嘅少同唔紅，但「天空之鏡」就靚到不得了啦！隨便點影都好睇！
而交通方面要留意，週末人太多嘅關係，泊車會比較難搵位，盡量早上去會好啲。如果坐交通工具的話都要預留多少少時間，回程直接call車走會更理想，否則聽講要等一個鐘先上到車。
粉嶺流水響水塘
交通：粉嶺火車站 轉乘 52B小巴，流水響水塘站落車
全程bb車都行到入去啊！
切記戴好口罩啊！
圖文經 《喬b成長日記 x 車厘媽生活日常》授權轉載