【親子行山】BB級入門親子行山路線全記錄 -(鹿頸->鳳坑村)

左睇右睇，我們這一家都絕對同山系無關！

但2020年應該解鎖了太多的技藝，又悶又想安心地去放下電，終於完成了我們第一次全家行山之旅，無錯！係全家！啱啱好八個月大的細佬仔都有去見下世面。

呢個扶老攜幼的關愛座組合，就當然要選擇一條老幼咸宜的初級路線啦！

近近地 (我話我哋)，就去鹿頸->鳳坑->谷埔啦！

【鹿頸>鳳坑>谷埔】

路線：鹿頸>鳳坑>谷埔>鳳坑>鹿頸（原本打算路程）

難度：★☆☆☆☆

距離：約7公里

時間：來回約2-3小時

泊車：雞谷樹下空地

補給：沿途均有多間茶座及餐廳

賣點：沿路有蘆葦田、紅樹林等靚景可欣賞；大部份都是平路

【交通】

小巴：在粉嶺港鐵站C出口，乘搭56K小巴，在鹿頸總站下車

自駕 : 雞谷樹下 / 發記士多有泊車位

今次經 #龍山隧道，好快就到達目的地->鹿頸 (雞谷樹下/ 發記士多)，一條直路都見有車停咗，行山的人亦比想像中要多，可能仍然係學校假期，同埋好多人年尾要清假。

Check point 1：BB開心茶座 – 港式all day

如果搭小巴的朋友可以落車經過BB開心茶座 (出名有平價all day breakfast食😍)向新娘潭路方向出發，經過沿海大道，再到雞谷樹下

Check point 2：雞谷樹下/發記士多 – 鹿頸自駕遊泊車處

鹿頸有一家歷史悠久、依山面海的發記士多，附近有空地/馬路可以供泊車，自駕遊來到鹿頸的朋友，可以停車後在此出發。 (太興奮了, 忘記了拍照)

發記士多
地址：鹿頸雞谷樹下村3號
電話：2674 1718

Check point 3：紅樹林海岸

一邊走一邊可以欣賞到一片又一片的紅樹林、濕地、海景，可以來一次生態教學，而且道路十分平坦，只有1-2個位置比較窄，難度為0粒星，慢步其中真係好舒服。

可以睇到沙頭角海岸線，那對日日對住個mon的眼，感到無比舒服。