親子好去處︳偽日本之旅（四國小豆島+沖繩教堂）

來一場香港版日本之旅~

今朝天陰陰，都驚朝早會落雨，好彩又冇~

難得豬隊友又可以早起到身，我哋就出發去欣澳行行。

一條平坦寬闊嘅道路，好好行。而且右邊有個靚海景有輪船，左邊間中有港鐵經過，頭頂有時仲有飛機飛過，真係有齊海陸空。

之後經過石灘和鞦韆，就去到香港版之稱嘅小豆島。（請查看天文台有關潮退的時間，否則不能看到天使之路或被困於小島上）

真係要記住自己垃圾自己帶走呀，唔好亂拋垃圾~

退咗潮，有好多垃圾係條天使之路度。

其實香港真係好靚，我哋要好好愛惜，我愛香港

沿路返出去時，小朋友有少少累，好彩喺地下執到好大條草。

阿囡好鐘意條草，因為佢覺得好似魔女宅急便裏琪琪把掃把。

我哋玩咗掃把飛行。（阿囝唯有扮隻貓）

我叫小朋友飛去巴士站先自己行，甚至跑。

（做媽媽真係少啲創意都唔得）

跟住我哋搭巴士入愉景灣，一個充滿歐陸色彩嘅小鎮。

廣場有粉紅色旋轉木馬、心形鎖牆和壁畫牆打卡 ~

我哋食完午餐之後，行去一個好似日本沖繩教堂看看。

我真係好想去好耐，一直都無機會，今次終於去到喇!

之後我哋行去沙灘那邊玩沙，小朋友真係好鐘意玩沙。（不是公眾泳灘，不建議游泳）

開開心心又大半日，由上午八點半出發，玩到兩點~

返到屋企，小朋友沖完涼就瞓晏覺，時間剛剛好。

我介紹的地方有些特點﹕

二帶二或有些一帶二也能應付

地方不會太偏遠，可以乘坐公共交通工具

如果可以的話，臨尾放些彩蛋

如果鐘意我嘅分享，請俾個 #like 支持吓，感謝您啊~

歡迎讚好專頁得到更多免費資訊

~Facebook page: