親子好去處︳點至山頂咁簡單︳多個免費玩法︳限時新春優惠︳龍鳳孖媽


香港山頂

點至山頂咁簡單,早幾日,孖寶生日,我哋上咗太平山頂 過了不一樣的生日。

本來諗住山頂有生日優惠,但竟然沒有,反而最近山頂做緊送鼠迎牛﹗﹗

由2021年1月18日起至3月14日(除了2月12日至2 月15 日外),即嚟緊2月16日開始就可以享用此優惠。

咁啱老公係鼠年,出賣咗老公的年齡。 用咗28元優惠價購買套票,包括山頂纜車來回票、摩天台入場券和特定商店的優惠券。

同行者如讚好山頂的社交平台亦能以88折購買來回票套票。 購買28元套票的話,就算唔入摩天台,只用山頂纜車來回票也摼番唔少。 屬鼠或屬牛嘅朋友,機會黎喇﹗

山頂有乜玩?超乎你想像,山頂日本餐廰我哋先到一間位於高層的山頂餐廰,飽覽維港景觀 ,嘆日本菜。

店舖仲提供不同款式且特別味道的日本汽水。我哋試咗綠茶味汽水和柚子汽水。係香港真係好少機會飲到架﹗

孖媽俾咗兩隻小魔怪試飲人生第一枝汽水,飲得津津有味。 (孖媽心想﹕見你4歲生日先俾你試兩啖咁多啦)

餐廰裏面仲有個小型日本店舖,好似去咗日本咁。入去自娛吓其實都幾好……哈哈﹗

日本街頭小食 Don Don Don Don Don ….山頂Donki以售賣日本街頭小食為主,有章魚丸、可樂餅、關東煮、日式醬油年糕串等等,應有盡有。又一為不能去日本旅行止痕嘅活動

現實版糖果屋食飽飽後,我哋去咗間現實版糖果屋,冇巫婆喺裏面,但有好多好多特別款式嘅糖果。此糖果屋來自新加坡,內有BB版購物車俾小朋友自己推住選購糖果,Twin Stars即刻變身小大人。各自揀咗盒朱古力做生日禮物。

歐陸花園

沿住太平山餐廳側邊條行人路向上行便到達柯士甸山遊樂場, 曾是前港督的後花園。

雖然遊樂場暫時封咗,但花園裡的大草地、英國維多利亞時代設計的典雅噴水池、涼亭等,也非常特別,打卡 和野餐也是一流。

再行上去就是山頂花園 ,同樣地也是充滿歐陸情懷的涼亭,而且仲有靚靚花牆,唔使去cafe打卡啦。果度好靚,平時好多人黎影婚紗相和拍劇。

(老公在十多年前已經帶我嚟過,果然是把妹的高手…說笑)

 

口的藍白小屋是是守衛室,被列為香港法定古蹟呢﹗

充滿童年回憶的麥當勞 你有多少年無見過滑嘟嘟、小飛飛和漢堡神偷呢?

在山頂麥當勞可以重遇啊﹗

山頂廣場遊樂場 除咗柯士甸山遊樂場外,仲有山頂廣場遊樂場。

今次冇去玩,但上年暑假來時有玩啊,唔錯唔錯,而且側邊有櫈俾我這老人家坐坐。

行山

山頂環迴步行徑,小朋友都行到。今次冇行,但上次有行啊﹗

嘻嘻,除咗食的,全部都是免費﹗一個地方,多個玩法~

後記

1) 山頂真係好多野玩,分咗兩次黎都玩唔哂。(相片結合了上年和今年的,本來想搵埋十多年前的,但真係好難搵)

2) 山頂公園冬天好大風,大風到不太適宜野餐。(十多年前同老公來時是夏天,真係冇咁大風)今次大風到好似打風咁,孖媽個頭吹到成個癲婆咁,所以去到山頂公園,冇乜影相。 反而柯士甸山遊樂場無咁大風,頗適合這種天氣去野餐。

3) 行上柯士甸山遊樂場條路都幾窄,帶住小朋友時要小心些。 行上山頂公園條路帶住小朋友的話更難行,因為有時要行山馬路,沿路間中亦有車經過。

4) 趁住新春優惠,來山頂走走也是不錯的選擇。以前有很多遊客,上纜車,多數也冇位坐。近2次來也有位坐啊~

山頂日本餐廰 Fujiyama mama

地址: 香港山頂山頂道128號凌霄閣2樓4號舖

電話: 2870 0800

山頂廣場糖果屋 CANDYLICIOUS

地址: 地下G05-G06號舖

電話: 2840 1699 其他新年打卡特選~

如果鐘意我嘅分享,請俾個like 支持吓,感謝您啊~ 歡迎讚好專頁得到更多免費資訊更快緊貼我們的最近動態 ~

Facebook page: https://www.facebook.com/Miss.swanswan ~

Instagram: (更多孖寶和孖媽的生活趣事)

https://www.instagram.com/little_twin_stars82

其他創作文章(包括更多好去處): https://www.facebook.com/Miss.swanswan/posts/341412797292614

作者:龍鳳孖媽

其他文章﹕

【媽媽心聲】生完就會明㗎喇?生完原來真係會變咗第二個人︳龍鳳孖媽

【玩住學STEM】抓緊夏天的尾巴﹕夏祭之花火盛會︳龍鳳孖媽


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

全港最大戶外 電動車 場 「拖頭」/工程車/掘泥車/飄移賽車/警察電單車 3歲就可以玩|初初媽媽
中環海濱變220米藝術長廊 免費打卡︱復活節好去處
精選13大郊遊野餐好去處
昂坪360 復活節尋蛋派對 人氣插畫角色「好想兔」首次跳入香港
復活節本地遊2024 |24大好去處推介 復活節嘉年華/親子田徑比賽/復活蛋工作坊/室內遊樂場快閃優惠
藝術維港2024︱teamLab 發光蛋 首星期預約已滿額 呢個日子開始有即日預留名額! 附預約連結
查看更多   ▸