親子好去處︳白千層之路 風車轉轉轉︳龍鳳孖媽


車公廟

娘家之旅(下集) 風車轉轉轉白千層之路 點解好似唔覺有娘家之旅(上集)嘅?

因為有太多積埋唔得閒寫囉…哈哈。 先來介紹吓年初二回娘家之旅 。

我哋先係大圍食完個茶記早餐(今次不介紹,因質素一般),然後行去車公廟 。

好多人可能以為去車公廟一定要係車公廟站下車,但其實以前未有這站時,我都係喺大圍站去,其實都好近。 而且經過城門河的前段,又可以睇白鷺。

其實車公廟是一座香港二級歷史建築 ,不一定要祈福 ,也可以帶小朋友來參觀,認識中國歷史建築物。

農曆年初二才是車公誕,但因為年初三是赤口,不宜拜年,所以以往年初三的人潮比年初二的多很多很多。

以前孖媽未結婚時,逢初三都會踩單車經過車公廟,都見到條龍極之長。

所以今次年初二去,不算多人,排了約7分鐘左右,就能進場。

但今年車公廟要登記入場,用「安心出行」或即場登記也可。

我哋揀咗即場登記,其實都好快完成,只須派一人做代表登記一個名和一個電話就可以。

入面香火鼎盛,我哋影咗少少相,就出去戶外嘅賣風車區,買番兩個風車轉轉運,希望來年一帆風順,疫情快快過去~

買風車一定要格吓價,囝囝睇中咗個金色風車,聽到有檔賣68元,後來我問另一檔賣48元,即刻諗都唔諗就買。

其實唔知係咪仲有得平,但我又懶得逐間問,都算慳咗20蚊先。 家姐果個風車細啲,賣15元,加埋都係63元,而且店主仲送多兩個褔牌俾小朋友。

之後小朋友揸住風車喺白千層之路(翠田街)跑跑跑,風車也轉轉轉,玩得好開心。

以前放學去幫人補習都會經過白千層之路,由細都大都覺得條路好靚好靚。

一路行去到兒時常常去玩的遊樂場(隆亨商場隔離),翻新後更好玩,仲多咗囝囝最愛的挖土車,但可惜現時遊樂場被關閉。

其實屋村的遊樂設施配套很好,隆亨邨除咗有遊樂場,仲有roller場。

最後行到顯田遊樂場 ,真係由細玩到大(其實係我初中時才起好)。二十多年前,我時常帶弟弟來玩呢﹗未翻新前,孖媽時常在這裏圍圏跑步。翻新後,我亦曾帶過囡囡來玩。不過當時她年紀太小,好多嘢都未啱玩。

顯田遊樂場依舊分了兩邊都有遊樂場,也增設了特定的緩跑徑(以往是沒有的)。

跟住行去商場探探幫襯咗三十幾年嘅文具店,但可惜初二休市,唯有看看隔離另一間文具店,懷舊味濃。人老了總愛緬懷過去。

後記

1) 趁住農曆新年,帶小朋友去風車廟參觀,從而認識中國傳統習俗也是一個不錯的新春活動。

2) 雖然冇得去遊樂場玩,但四周行行走走又能發掘新的事物。

3) 娘家永遠是媽媽的避風塘,不用怕說話不夠得體,也不用怕舉止不夠溫文。 隊友說為何我整天坐著,動也不動? 我說在自己家嘛~ 讓我好好享受這自由舒適和放鬆吧﹗沒有一個地方比這個地方能容納最真實的自己。 在外面,面對多大的風或者多大的浪,我也扮作豪不愄懼。 在外面,即使我對別人多有禮友善,也不一定得到同樣的對待。 回到娘家就讓我當一日的「廢人」吧!

如果鐘意我嘅分享,請俾個like支持吓,感謝您啊~ 歡迎讚好專頁得到更多免費資訊更快緊貼我們的最近動態

~Facebook page: https://www.facebook.com/Miss.swanswan

~Instagram: (更多孖寶和孖媽的生活趣事) https://www.instagram.com/little_twin_stars8

作者:龍鳳孖媽

其他文章﹕

【媽媽心聲】生完就會明㗎喇?生完原來真係會變咗第二個人︳龍鳳孖媽

【玩住學STEM】抓緊夏天的尾巴﹕夏祭之花火盛會︳龍鳳孖媽


熱門文章

本地親子遊︳罕有離地式摘士多啤梨 | 乾淨舒適 x 求旅行感 | 農樂營
過個至「瀛」新年︱日本神社進駐將軍澳 必影5大打卡位
【親子遊車河】50個香港自駕遊好去處
【大檢閱】全港23大好玩室內放電遊樂場
親子好去處︳點至山頂咁簡單︳多個免費玩法︳限時新春優惠︳龍鳳孖媽

親子好去處︳童心爆發 灣仔火紅打卡點︳貓町媽媽
戶外好去處︳超放電農莊 x 玩足一整天 x 餵羊 x 超多鞦韆 | 開心花園農莊︳和牛b的成長日記
本地親子遊︳罕有離地式摘士多啤梨 | 乾淨舒適 x 求旅行感 | 農樂營
親子好去處︳牛年去牛公園應節︳龍鳳孖媽
親子好去處︳點至山頂咁簡單︳多個免費玩法︳限時新春優惠︳龍鳳孖媽
香港郊遊 │河背水塘:S形水壩 | 竹林打卡位 | 河背水塘家樂徑
查看更多   ▸