主題樂園︳香港樂高探索中心 x 機動遊戲 x 10個主題玩樂區︳和牛b的成長日記


尖沙咀K11 MUSEA
全年適用

望穿秋水,香港終於有Lego樂高主題嘅主題遊樂場了!!
「香港樂高探索中心」(LEGOLAND® Discovery Centre)於今年3月6日正式喺尖沙咀K11 MUSEA開幕,終於唔洗搭飛機先有機會去到LEGOLAND啦~


^ 迷你天地® Miniland

場地面積達30,000平方呎,場內遊戲主要適合3-10歲嘅小朋友。而LEGOLAND內設有10個唔同嘅樂高主題園區,包括機動遊戲古堡歷險、魔法轉盤、樂高4D動感體驗、迷你天地、樂高好朋友、樂高創意工作室、樂高DUPLO® JAMS 得寶農莊、樂高賽車場、樂高咖啡室及禮品店。

事不而遲,馬上同大家分享「香港樂高探索中心」有咩好玩啦~~

首先入場門口係一個巨大LEGO人嘅門框,必影位置!

入口附近,仲有一對LEGO人仔同大家Say Hi~~
LEGO人仲同和牛B一樣咁高~(哈)

第一個合照區,Cheers~~

影完掃一掃”Magic Memories”咭仔,稍後於古堡歷險遊樂區附近,仲可以下載返自己嘅靚相~


^ 相片會電郵給你,仲配上5個不同相框,免費下載留念。

再往前行,馬上要尖叫呀~~~~
因為呢到係用咗超過一百萬粒LEGO搭建而成的迷你香港,全部都係香港嘅特式地標同埋風景!!!

迷你天地® Miniland
此區係由15名專業嘅模型大師,以5,000多個小時建造而成隨著白天到黑夜嘅變化。

可以觀賞到迷你香港嘅日與夜,變了LEGO香港城市,每一個角落都做得好細緻!!
喺呢個區真係影咗好多相,因為全部都做得好細緻,好有心思,好有香港特色!!

而部份場景,仲加入機關。
例如: 公屋戶撞鬼、地盤工人鑽地、快活谷賽馬、山頂纜車、地鐵站等。


^ 中環街景,中環IFC、中環碼頭、中銀大廈、匯豐銀行等。


^ 中環碼頭,天星小輪。


^ 中環石板街


^ 中環寫字樓區,幾多人排隊等車~~

場景中嘅電車、紅Van係會郁到嘅~


^ 山頂凌霄閣、山頂纜車仲設有機關,會上同落!!


^ 九龍區地標之一,尖沙咀鐘樓,而鐘樓旁一定會有架雪糕車。


^ 廟街


^ 地盤工人鑽地,有聲效之餘,場景仲會震動~

香港除咗有繁榮嘅商業區,仲有離島漁村風情嘅大澳。

去到大澳除咗有棚屋、大涌橋,仲有需要保育嘅中華白海豚呀!!


^ 中華白海豚部份仲有小機關,按鍵白海豚就會跳上水面~

離島區嘅地標,仲有大嶼山嘅天壇大佛!!
仲記得每一次去天壇大佛,一定要登上幾百級樓梯先上到頂!!!


^ 大嶼山天壇大佛

香港最方便嘅交通工具「港鐵」,場景由大堂入閘位至月台樓層都非常細緻。
特顯了香港係個繁榮嘅都市,香港人都非常忙碌~


^ 驚喜位「港鐵」,係會郁動的!!

仲有快活谷賽馬~~~上呀! 上呀! 上呀!!


^ 香港最副有特式嘅舊式公屋


^ 場內燈光轉暗,變成夜晚嘅公屋


^ 屋內每個單位都做得好細緻,每間屋都有唔同!


^ 仲有~~驚喜位~公屋鬧鬼嘅靈異事件場景(哈)

古堡歷險

必玩遊戲一,家長可以同小朋友一齊坐上勇士座駕去拯救公主!!

使用鐳射槍瞄準骨骸戰士等邪惡的怪獸魔鬼們,就可以拯救公主!!

完成遊戲仲有分數,可以同小朋友一較高~~

喺遊戲當中,仲會俾影低快樂嘅時候~
同樣也可以將照片傳送到電郵下載留念~~

魔法轉盤

呢個區超好玩,一定要玩呀!!!
去魔法屋跟魔法師默林,喺轉盤上快速踩動踏板,就可以飛上天空!!!

配合燈光及音效,成件事真係好Magic! 好好玩呀!!

遊戲適合兒童身高90cm或以上才能乘坐,如身高90cm至120cm之間的兒童,必須與成人一起乘坐。

4D動感影院
呢到可以同小朋友一齊一邊睇LEGO 電影包括: Ninjago – Master of the 4th Dimension 和LEGO Movie 4D – A New Adventure。

樂高創意工作室
嚟到呢到一定要跟LEGO達人學習砌LEGO~
仲要記得留意時間表哦,因為有唔同時段,每節亦有限人數。
所以要留意派發籌號時間哦~

^ 每節亦有限人數,所以要留意派發籌號時間哦~

工作室內有8張台,同時設有透明間板。
中間部份為LEGO達人嘅工作台,工作室內有2部電視。

跟LEGO達人學習砌LEGO

自己完成,超有成功感哦~

模型拼砌達人創造力驚人。在樂高®創意工作室,更有機會與模型拼砌達人取經,一起發揮無限創意吧!


^ LEGO籌號,超特別呢~

樂高好朋友
LEGO Friends系列嘅心湖城,區內有5位樂高好朋友角色 (Olivia、Stephanie、 Emma、Andrea 及 Mia) 原始尺寸嘅樂高積木模型,心湖城共設有 3張遊戲台,小朋友可以自由創作。


^ 遊戲台

樂高DUPLO® JAMS 得寶農莊
此區有兩隻DUPLO®放大版嘅小白色同埋小松鼠~
仲有樹下遊戲區,可以俾小朋友自由創作及遊玩~


^ 樂高得寶系列積木


^ 巨大版DUPLO®小松鼠

樂高賽車場
鍾意玩車車嘅小朋友,一定會玩好耐~
因為此區可以俾小朋友自由創作、製作賽車。
完成賽車,仲可以將賽車放去賽道同朋友比賽~


^ 製作自己嘅賽車。

影相打卞位~

園區中間仲有一個必影嘅LEGO大笨鐘,大笨鐘仲設有裝置會報時及音樂~


^ 會報時嘅大笨鐘

中心入面仲會喺不同位置,設有「迷你天地印章」收集點~
作為LEGO迷,一定會想要全部集齊吧~

咖啡室
玩到攰,LEGOLAND入面仲有咖啡室。

咖啡室入面有數張台


^ 小LEGO迷必選最愛嘅Donut兒童餐,另可選飲品。


^ LEGO兒童餐(LEGO餐盒、Donut、飲品)


^ Donut有三個口味可以揀(士多啤梨味、朱古力味、三重朱古力夾心朱古力)

餐牌


^ 咖啡室入面仲有好多畫


^ 咖啡室有數張BB櫈

場內亦設有洗手間

樂高城市歷奇
此區係以消防學院場景做設計,內有不同水管造型通道、障礙。
絕對係超放電呀!

禮品店

場內都會於當眼處貼上溫馨提示,及設有消毒搓手液。

入場費﹕

【香港樂高探索中心 @ 尖沙咀】
地址: 香港九龍尖沙咀梳士巴利道18號K11 MUSEA地庫1樓B131-133號
營業時間: 請登入官方網站查閱
https://www.legolanddiscoverycentre.com/hong-kong/
https://www.facebook.com/LEGOLANDDiscoveryCentreHongKong/

————————————————–

歡迎聯絡我&和牛B: chungying56@hotmail.com

MeWe專頁: https://mewe.com/p/和牛b的成長日記
Facebook專頁: 和牛B嘅成長專頁

Instagram: wagyubmami

作者: 和牛b的成長日記

相關文章:

【和牛B成長日記】媽媽心聲 細時想佢快啲大 大時想佢唔好大得咁快

【和牛b的成長日記】育兒心聲︳每當寶寶睡著,都好想錫醒佢。醒咗又想佢瞓返


熱門文章

消防博物館 | 步操觀賞+消防救護車展覽 小小消防迷大召集 免費入場參觀
新店進駐|北角和富WORFU 親子食、玩、學新熱點
聖誕市集2021 │6大人氣市集 赤柱市集/朱古力聖誕嘉年華/限定手作DIY
聖誕好去處2021 | 開蓬巴士 夜遊尖東欣賞聖誕燈飾 (附酒店住宿限時優惠)
聖誕好去處2021 | 各大商場聖誕限定裝飾合集

聖誕好去處2021 | 各大商場聖誕限定裝飾合集
聖誕好去處2021︱香港樂高®探索中心 6大聖誕活動、打卡位 用4.5萬LEGO®積木砌逾2米聖誕樹
聖誕好去處2021 | 希慎廣場 X Hot Toys《蜘蛛俠:不戰無歸》主題展 塑造電影4大場景
化身「聖誕環保小先鋒」|體驗親子繪畫 製作環保裝飾
日本親子遊|東京巨蛋城遊樂園 27種遊樂設施必玩推介|浪遊家庭大歷奇
新店進駐|北角和富WORFU 親子食、玩、學新熱點
查看更多   ▸