地址 | 上窰郊遊徑 |
日期 | 全年適用 |
原路返回分叉路,繼續前行,進入樹林,開始有返啲行山嘅感覺了~我去「上窰郊遊徑」的目的,原本只為IG上有啲紅的「曝罟灣堤圍」,誰不知條路驚喜處處!
不但短途且平坦易行,除曝罟灣堤圍外更有紅樹林、無人碼頭等打卡點,終點萬宜水庫西壩的日落更係靚到嚇親人!!!
如果係社交媒體狂熱者,呢條郊遊徑真係分分鐘打卡打到手軟!
廢話少講,開始介紹啦~
文章概要:
由西貢坐94、96R、289R,於「上窰」站落車,呢個係最近的入口點~
但如果想去個洗手間放低幾兩,又或買支水買串燒賣先,建議係「北潭涌」落車補給咗先~
呢個地點嘅小賣店竟然仲有$10一支維他水,算係非常有良心了!
總之搞掂後,出大馬路向左方前進,經過傷健樂園,約5-10分鐘就可以見到「北潭涌自然教育徑」的入口了~
wei阿鋒你玩嘢呀? 又話行上窰郊遊徑ge?
事實上一般香港行山友話行「上窰郊遊徑」,但事實上行嘅都係「北潭涌自然教育徑+上窰郊遊徑」crossover,先行前者再接後者,因為睇嘅風景會靚咗多咗~
需知個道理等於蝦餃落豬肉會好味啲,混血BB都會靚仔啲,有時啲嘢溝埋一齊個效果好好多~
如果大家死都要行上窰郊遊徑的,無問題~ 可以回程的時候行返去北潭涌的~
一開波起行已見到清澈的北潭涌河口~ 好想跳落去游水ar~~~~
但點解我自動幻想咗會有鱷魚出現嘅???
行左唔夠10分鐘已到第一個check point「上窰民俗文物館」~
根據資料,上窰民俗文物館及灰窰於80年代初列為法定古蹟,內裏重現了古時客家村落的生活文化,等大家認識客家除左梅菜扣肉和釀豆腐仲有好深厚的歷史文化~
可惜疫情時暫時關閉,如果唔係入去行下應該都幾有趣~
一般網上嘅教法,都話離開可以行返上窰郊遊徑返去,真係見到都嚇一跳!即係幾乎原路行返相同時間返去!?
唔係唔得,只係嚟到終點先話呢度係中間點,道氣都洩晒邊行到ar??就算行馬路都要1個鐘,唔好玩啦!
所以最佳方法都係call車~甚至而家有d的士司機知道東西兩壩人多,會自己吉車入嚟接walk-in客
我就係截到架無蓋旗嘅綠的,輕輕鬆鬆10分鐘出返北潭涌~
做咩唔出西貢??
北潭涌已經有巴士出西貢、彩虹even沙田,由西壩至北潭涌綠的只係$30-$40,出返西貢市中心分分鐘起double
而且你慳咗錢,的士佬慳咗時間可以走多幾轉東西壩,大家win win何樂而不為?
上窰郊遊徑+曝罟灣堤圍的遊記就到呢度~
講真呀個風景真係超級靚得嚟又多樣化,又9成係平路,曝罟灣堤圍更係香港難得一見,無唔去嘅理由ar~ 我奇怪呢條路竟然唔太hit tim!
定係已經勁hit咗係我唔知ja??
圖文獲鋒加西亞 – 德國工作假期後的世界流浪授權轉載
Instagram:鋒加西亞 – 德國工作假期後的世界流浪
YouTube:鋒加西亞 / 旅人瘋語