| 地址 | 馬灣 |
| 日期 | 全年適用 |
雖然公眾泳灘仍然關閉，但係而家天氣暖和，最適合去一啲人流比較少嘅地方放鬆一下。
今次我哋就去到一個比較少人去嘅沙灘。馬灣小沙灘位於馬灣大排咀附近，面積不大但人流不算多，而且離馬灣消防局不足為30分鐘路程，是一個可以邊觀賞靚景邊行山的好路線。到沙灘遊玩前，推薦大家不妨走一點樓梯登上觀景台涼亭，從高位欣賞青馬大橋的靚景。
詳細路線可以睇片！
青衣地鐵站C出口> NR330 到馬灣迴旋處下車 > 沿馬灣沙灘到挪亞方舟入口轉右>馬灣消防局轉左沿球場走>進入馬灣秘景入口>走～10分鐘到達分叉路口>～5分鐘到達涼亭，從最高位觀景涼亭睇青馬大橋全景>回分叉路口走～10分鐘轉落小沙灘> 沿原路回馬灣消防局
由馬灣消防局出發， 背向消防局見到球場，沿著球場旁邊走，走到球場轉角位會見到右邊有條小路，轉入即開始步入觀景台路徑。
呢次嘅探索馬灣秘景係一條十分短嘅路線。由馬灣消防局登上觀景台最高點只需要大約 20 分鐘路程，再由觀景台往下走到達小沙灘亦只需多5-10分鐘路程。簡單而言，由馬灣消防局到觀景台再到小沙灘，最後回到馬灣消防局路程大約一小時內可以完成。回程時如果是日落時分更可以欣賞到大橋加日落的美景，是一條十分好走又新鮮的路線。
圖文獲We4 Travel授權轉載
YouTube：WE4 Travel
