| 地址 | 新界馬灣珀欣路33號 |
| 日期 | 全年適用 |
我哋今日去咗馬灣的「挪亞方舟主題公園」玩，以1比1體積建造而成的挪亞方舟主題公園估唔到會咁好玩，我哋玩哂咁多個園區，又去哂展館參觀，最後仲食埋晚餐先番屋企，兩兄弟都玩得好盡興呀！
而家就等Aidan帶大家去遊歷一次啦！Go go go～～
一入場我哋先去最近大熱的「e-Planet 夢想星球」，呢個展館係以大自然為主題的光影互動展館，分成森林、海洋、四季和未來城市四個展區，影相勁靚呀！展區有多個互動遊戲，可以俾我哋邊玩邊認識大自然。
（呢個展館實在太靚喇，遲啲再開個post同大家談細分享！）
之後就去啱晒小朋友放電的「童趣飛馳樂」，有兒童單車、三輪單車及小型腳踏高卡車玩，仲有家庭單車，大人小朋友都有得玩！沿住條單車徑玩夠哂安全。
刺激好玩的「躍動天地」係一個以船及火箭為主題的户外遊樂場，有勁高的滑梯，又有空中繩網，可以考驗哥哥的膽量（雖然佢無膽到要爸爸陪住先敢玩），仲有自費玩的跳彈牀，開心到哥哥飛起！
媽媽我就最鍾意「方舟花園」，可以同弟弟係唔同的動物雕塑前影相，弟弟見到咁高大的動物開心到不停拍手，好攪笑。推薦大家一定要係白老虎的位打卡影相，可以同時影埋青馬大橋，景觀一流！
我哋仲有去「方舟博覽館」，呢個館真係好特別，除咗有小動物可以觀賞，玩互動遊戲，聽寓言故事外，最驚喜的係，於「幻彩生命廊」中，仲可以睇到各種珍貴的小動物和昆蟲，每個小箱子都好引人注目。我哋仲有去四維立體影院睇大洪水的威力。
「方舟生命教育館」
一有門票我哋就即刻預約參加2點半的兒童繪本劇場，今次的主題係「顏色」，劇場姨姨會透過故事去教導小朋友顏色的變化和要如何和朋友相處，又有小遊戲玩，臨走前仲可以去扭蛋拎小禮物，大人都有份，好開心。
「珍愛地球館」
可以俾小朋友係館內十五個不同主題活動室探索和學習生活知識，當中宇宙，音樂和史前歷史係Aidan最感興趣。
自費活動仲有「啤啤熊之友製作室」，由入棉花到縫紉都係自己做，仲可以幫啤啤熊著返套衫仔，完成後更有「出世紙」，獨一無二架！
整完啤啤出黎仲見到大堂有野玩，當然唔好錯過啦~~
玩咗成日當然要去嘆番餐啦！我哋係豐盛閣餐廳book咗食「豐盛晚餐」，好鍾意餐廳的景觀呀！可以望到東灣沙灘、青馬大橋及汀九橋的靚景，眼睛好享受！
4道菜的「豐盛晚餐」我哋點咗～～
餐湯 : 牛肉薏米湯
頭盤 : 士多啤梨、黑醋紅菜頭及合桃芝士沙律
主菜 :
香煎美國肉眼配蒜蓉及牛肝菌燒汁
香煎羊扒配青豆泥及黑蒜蛋黃醬
甜品拼盤係好好味的黑芝麻芒果蛋糕，綠茶朱古力蛋糕 和 奧地利朱古力蛋糕，一次過試晒三款，好滿足呀！
我哋另外叫左「兒童特色晚餐」俾哥哥，一樣有餐湯和沙律，主菜揀左芝士通粉，最後佢仲自己食晒甜品拼盤，飲埋杯橙汁，叻叻！
哥哥話今日實在太開心喇！叫我哋下次再帶佢黎玩。當然可以啦，下次再同朋友仔一齊黎玩啦！
～～～～～～～～～～～～～～
「挪亞方舟主題公園」
時間: 上午10時至下午6時
地點: 香港新界馬灣珀欣路33號
「挪亞方舟門票」 和 「豐盛晚餐」我都係喺trip.com買架，買完仲可以即日換票，而家仲有港人優惠，低至63折呀，好抵玩呀！
優惠訂購連結：
挪亞方舟門票 >> https://bit.ly/3wOfls
豐盛晚餐 >> https://bit.ly/3v2nEiv
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
作者﹕安妮媽媽親子日記
其他文章﹕