| 地址 | 廈門灣沙灘 |
| 日期 | 全年適用 |
編按：今個暑假又要留港度過，天氣炎熱亦不能帶小朋友行山，莫非只能帶他們逛商場和室內遊戲場？不如去游泳池玩水，但總不能日日帶他們去。那今次就介紹不一樣的玩水好去處，近日有媽媽帶小朋友乘街渡往廈門灣沙灘，探索珊瑚地帶，一家四口全日消費僅$160。
不過記得勿踐踏珊瑚，破壞生態環境。
===============================
最近變咗「姐姐」，係因為曬燶咗 ，沒辦法！對住咁靚嘅珊瑚海底世界，又豈能忍得住唔浮潛。
呢個地方應該好多人去過，但又唔係好多人知附近有個珊瑚地帶，睇到麵包蟹、海膽、海參、雞泡魚等等…講緊嘅係世界地質公園橋咀島另一邊——廈門灣沙灘，正確啲來講，沙灘後面先啱！
走過沙灘廁所小後山，路程約3分鐘，跳入海中，腳下已係一片珊瑚地帶。搵個位（最近小後山/遠少少有小石灘）set好休憩區，鯨魚、蝦子已急不及待隨我下水浮潛，欣賞唔同嘅珊瑚嘅美態，一群魚兒係眼前腳邊寫意游泳，有光照時睇得特別清楚，一有浪水變濁就睇唔到，好彩我哋去嘅呢一日，大部分時間都有光照，有大船駛過滘西洲先有浪花。
