上次去完 Pixar Fest，今次又來一個 Pixar #彼思動畫的科學秘密，點可以錯過呀，真係今個暑假必到的好去處。
平日都只係$30，星期三仲$10㖭呀！如果你係全日制學生～$5蚊咋！！！！！
正所謂「未出發先興奮」，我哋就「未入場先打卡」～
因為在場外已經有好多彼思角色任你打卡。
佢仲好細心咁安排每個角色都有1.5米距離，哈哈哈～應該係可以俾大家可以同自己喜愛的角色私打！
沿扶手電梯落到去就係今次展覽區入口，通過長長走廊，就先去到一個小影院區，睇吓今次主辦的介紹。
今次展覽最重要的唔係只係睇，仲有得玩，展覽將整個三維製作過程，簡單地呈現俾小朋友知道，等佢哋對三維電影製作有基本概念。
每個展區都設有聲音導航。
有上次芊芊去Pixar Fest測出的彼思角色性格的「肥克」呀！
