天氣涼開始戶外活動，秋高氣爽呀嘛！肉丸媽媽介紹你一條免費、好玩、舒服的港島玩樂一日遊路線。由堅尼地城行到上環，快樂渡過美好的一個下晝。重點係全部玩樂設施都係免費。快啲同小朋友出發喇！
卑路乍灣海濱公園－＞中西區海邊長廊－＞豐物道海濱－＞中山紀念公園
喺香港卑路乍灣海濱公園係難得一見隨地有流動的卡板的地區，供大人、小朋友搬來搬去玩！亦有卡板配上滾輪變身滑浪車喺海邊風馳電掣。現場亦很多攀爬嘅玩樂設施，很喜歡公園場地沒有制定太多規則或限制，考考大家的創意！
旁邊有一個開放式社區園圃一 堅農圃係全港首個結合水耕、魚菜共生和有機耕種的都市水耕農場，可以預約入去參觀同買菜呀！
卑路乍灣海濱公園
地址：香港島中西區西環卑路乍灣城西道
跟住沿海邊行到西區海邊長廊，看看日落，沿途仲有一隻海盜船的️玩樂設施。
西區海濱長廊
地址：西區副食品批發市場（鄰近西環貨物碼頭）
再行埋去豐物道海濱，有難得一見的水管公園。條水管滑梯好有速度感，肉丸朗爬來爬去都唔厭。旁邊就係中山紀念公園，有超大嘅草地，亦有遊樂場。
豐物道海濱水管公園
地址：西環碼頭
圖文獲肉丸朗之快樂日常授權轉載
其他文章：