假日好去處｜7.1長假活動合集 大型吹氣滑水梯+超靚打卡位+恐龍展覽

為慶祝特區成立25周年，政府及各界為此在香港各區舉行了一系列的活動和好去處，一連三日的假期，大家可以睇吓有咩地方好去！不過提提大家國家主席習近平訪港期間，全港多區實施特別交通安排，特別是在港島，大家出門前記得睇清楚交通狀況。

相關文章：回歸25｜習近平訪港期間 各區交通影響一覽

免費活動：

6個海濱換上夏日新裝 成打卡好去處

海濱事務委員會舉辦「仲夏．維港」主題活動，邀請 Chocolate Rain、Messy Desk、菠蘿油妹妹及癲噹等本地設計師，為全港6 個海濱長廊換上新裝，變成睇得又玩得嘅好去處！

1. 灣仔渡輪碼頭

灣仔渡輪碼頭的「HarbourChill海濱休閒站」有9米高大型熱氣球裝置俾大家打卡留念，而旁邊的臨時巴士總站將改為「維港兒童自駕遊」遊玩設施並於7月3日開放，俾小朋友一嚐揸車心願，「自駕遊」活動啱晒鍾意車的小朋友，玩完又可以行吓海濱影相，一舉多得！

^場內各種動物造型裝置是透過循環再用的舊油桶及汽水樽而製成

^各種動物造型裝置是透過循環再用的舊油桶及汽水樽而製成

^活動將於7月3日開始，暫定會維持三個月，未來將視乎反應再作安排。

位置：灣仔鴻興道以北、灣仔碼頭有蓋行人通道以東的HarbourChill海濱休閒站

2. 灣仔水上運動及康樂主題區

鄰近的灣仔水上運動及康樂主題區將會化身成為西部小鎮，大家可以在海邊吹住海風，曬吓陽光咁在維港探索小鎮風情。 另外，該處有20米的Chocolate Rain巨型畫作及藝術裝置，啱晒放空同打卡。小朋友最關心嘅一定係有無得玩，場內有小型遊樂設施及踩船仔，小朋友可以好好放電！

^灣仔水上運動及康樂主題區變身成充滿西部風情的小鎮。

位置：灣仔北沿鴻興道至鴻興道天橋對開的水上運動及康樂主題區

相關文章：灣仔海濱長廊 | 新景點海岸堤階＋維港踩船仔 | 貓町媽媽

3. 灣仔海濱長廊

連接金鐘添馬和會展的灣仔海濱長廊化身成城中沙灘，變身成「The Connector添馬海濱長廊」，大家可以在城市中享受沙灘的美好時光。

^長廊變成城中沙灘

位置：連接金鐘添馬和香港會議展覽中心的灣仔海濱長廊

4. 東岸公園

位於炮台山的東岸公園由ARTA Architects的建築師透過會花火為主題的藝術裝置舉行帶來全新煙花匯演，將煙花實體化，日間看是蒲公英，晚間就會變成璀璨奪目的花火，裝置只作期間限家擺放，要打卡就快手了！

位置：炮台山屈臣道以西的東岸公園主題區