滑輪好去處｜屯門11萬呎空中滑輪運動場 放電好去處

全港首個空中滑輪運動場，嚟揮灑汗水啦！今次介紹屯門附近的空中滑輪運動場啦！雖然我唔係同一日去，但同屯門公園的共融遊樂場真係好近。

先睇下啲介紹先啦 :

基滙資本民坊今年把屯門愛定商場平台打造為佔地11萬呎的「空中運動營」，經活化及興建的5大設施包括「空中籃球場」、「空中足球場」、「空中滑輪運動場」、「空中跑步基地」及「空中庭園」等。其中分為三層的「空中滑輪運動場」佔地3.8萬呎。

場地分為三層:

低層為滾軸溜冰場
中層是滑板場
高層是單車及平衡車的場地(只限於2至8歲的小童 )

當日帶同大家姐嚟試下個滾軸溜冰場先，因為大家姐未正式學過，所以無咩技巧可言，嚟之前一晚佢仲自己搵咗啲youtube片自學 。嚟到見到係2D版平直路，仲要無人，咁就玩得輕鬆啲，唔使怕撞到人。（玩熟咗可以挑戰有高低的場）

不過烈日當空嚟講，其實都幾曬 ，畢竟小朋友唔怕曬但媽媽我怕 。如果嚟可以試下朝早或傍晚，無咁熱無咁曬會舒服好多。 至於其他場，我哋就無試玩啦，畢竟無技術無裝備可言 。

天台望過去另一邊，發現仲有個綠化天台公園，可以去行下休息下。

詳情：

屯門空中滑輪運動場
地址：屯門愛定商場D區停車場上蓋
開放時間：每日9am-8pm

圖文獲 浠姐、小肥滺與金仔 授權

其他文章：

恐龍 迷注意｜恐龍登陸九龍公園 影相打卡+免費活動+特色奬品

親子行山｜初夏行山 香港仔水塘｜大眼睛與小眼睛