親子好去處｜超級放電愉景灣必去 室內遊樂場 5層繩網/超斜垂直滑梯/海綿波射擊場/飛索/迷你哥爾夫球｜護士Vi媽三小火

Blogger「護士Vi媽三小火」要帶小朋友瘋狂放電，於是與他們到愉景灣 室內遊樂場 「Epicland 歷奇王國」，穿梭大型歷奇繩網王國！

超級放電愉景灣必去 室內遊樂場

小朋友一入到去「Epicland 歷奇王國」就興奮到癲咗，二火直頭一入去，衝去5層繩網結界，入邊有攀爬繩網、迷宮、短滑梯和超斜垂直滑梯，無論咩年紀都應該喜歡玩海綿波射擊場，用空氣炮射七彩海綿波，大人細路都好開心！

標誌性的彩虹長滑梯，目測有兩層樓高，瀡完再encore，連Vi媽自己都刻意瀡咗一轉。另一個孩子喜歡玩的是飛索，夾埋都玩咗十幾廿轉，只可惜大人無得玩。

遊樂設施有動有靜，場館中央的迷你哥爾夫球區，1歲半以上都應該handle到，就算亂棍掃都好好玩。而場內有小Cafe，Vi媽與三小火食Tea，坐吓休息吓，食吓嘢，可以補充體力又出去玩過。旁邊有個幼童區玩樂，適合BB；攀石區、彈牀區和高空歷奇就適合年紀大少少的中小學生。

Vi媽真實感受認為，「Epicland 歷奇王國」係好玩嘅，有部分設施有高度限制，個人認為適合小學以上的孩子，會多啲嘢啱玩；每場4小時任玩，堅抵嘅，假日同暑假都開始多人，記得上網book 飛先好去！！

EpicLand 歷奇王國 資料

地址：愉景灣北商場
交通：港鐵欣澳站轉DB03P巴士，直達愉景灣北商場（約每30min一班）
營業時間：09:30-13:30，14:30-18:30
查詢及預約：https://www.epiclandhk.com/

文章獲護士Vi媽三小火授權轉載

作者：何穎恩姑娘

更多親子好去處：

親子好去處｜Megabox全新2萬呎室內遊戲室 Kids Kids Car 電動車+AR投影遊戲+吹氣城堡 放電一流｜護士Vi媽三小火

親子半日遊｜免費潛水艇室內遊戲室放電 行1分鐘即到圖書館 護士媽媽教4個帶幼兒去圖書館貼士

親子餐廳｜繩網+滑梯+虛擬超市+迷你車應有盡有 必嚐迷你生日蛋糕打卡勁吸睛｜護士Vi媽三小火