新年快閃一轉珠海放煙花，年初四就去咗有古代建築嘅 圓明新園 感受中式節日氣氛，呢個係迷你版的北京圓明園，係多人到懷疑人生…入門口見到一大堆人好似大排長龍，啲人喺塞住在門口掃碼，只要一直去到最前其實就順利進入。
唔怪之得古代宮庭係冇BB車，啲門檻咁鬼高，任何車都過唔到，所有推BB車人士都要抄小路由外圍繞過。 我哋係咁以搵到個冇人嘅中式角落頭影少少相，行到去遊湖畔，又係多人到爆炸，彷彿成個珠海嘅長輩都嚟咗呢度。
幾十蚊就可以穿宮庭妃子服+泛舟湖上，係幾抵嘅，不過淨係逼入嚟都用咗我哋太多energy，有機會下次先。
湖上石橋隔離間小食店價錢合理，魚蛋同香腸救咗我哋一命，魚糧點都要買番包，三個孩子最期待就係餵魚，總之有得餵動物就開心啦，不過湖入邊啲魚都一早食到飽晒，三個孩子快樂在於擲魚糧。
地點：珠海市九洲大道西蘭埔
文章獲護士Vi媽三小火授權轉載
作者：何穎恩姑娘
更多親子好去處：
