| 日期 | 全年適用 |
嚟沖繩玩，如果好似我哋是非自駕，好推薦大家入住「 那霸東急REI酒店 」！地理位置100分，從單軌旭橋站嘅空橋就可以直達酒店門口，落雨都唔怕會濕身，行5分鐘就到巴士總站，勁方便。
酒店樓下就有7-11和Lawson，行3分鐘到Donki，仲有24小時超市，半夜買宵夜好多選擇！酒店空橋直到「那霸OPA購物中心」，是一個小型商場，買完戰利品可以先放上酒店，再去血拼！
我哋今次入住嘅係豪華雙床房（帶陽台）和標準雙床房，豪華雙床房有2張1.2m雙人床和一張單人床，一家四口都瞓得鬆動舒服。露台景觀開陽，可以望到漫湖，朝早兩兄弟好鍾意坐喺露台食早餐睇風景。
房內空間寬敞，走廊位置夠寬，可以放BB車和2個大行李喼，兩個大行李箱同時打開整理都無問題。浴室好寬敞，設有浴缸，有齊洗髮乳、潤髮乳和沐浴乳。洗手枱係浴室外，可以一個沖涼，另一個刷牙！
上房前可以喺酒店大廳拎日用品，包括洗卸油、化妝水、乳液、梳子、剃鬚刀、棉花棒、咖啡和茶包等，可以自由取用，唔好浪費就得。
大堂嘅咖啡廳每日3點至6點是泡盛Happy Hour，免費任飲，除咗有免費咖啡飲品，仲有小餅乾。另外，每個樓層都有提供飲水機。
呢間酒店真係好適合非自駕家庭，價錢唔貴，交通無敵方便，大家去沖繩旅行不妨都參考下。
那霸東急REI酒店 (Naha Tokyu REI Hotel)
地址：カフーナ旭橋C街区
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
更多好去處推介：
沖繩北部一日遊 知名水族館/古宇利島/萬座毛 包所有入場券 低至$323/位｜安妮媽媽親子日記
