| 日期 | 全年適用 |
端午節假期帶Lisboy過關嚟呢間星級酒店——深圳 好日子皇冠假日酒店 。呢度有唔同嘅親子主題客房，最後都揀咗探索宇宙奥秘主題套房間，Lisboy開心到不得了，而且高鐵站行3分鐘就到，附近仲有大型商場Coco Park，超級便利！
探索宇宙奥秘主題客房
Lisboy一行入主題客房就見到帳幕，同埋有幾個太空主題嘅公仔陪佢玩，唔使出房門都玩得開心。而且高樓層房間都夠晒大，睡房內仲有接近180度嘅落地玻璃，望出去就係福田著名商場Coco Park、商廈同埋酒吧街。浴室乾濕分離，最正係有個大大嘅浴缸俾我哋浸浴超。
Playhouse 兒童廳
酒店仲有好多兒童玩樂設施，包括兩個大波波池同兒童閣，小朋友可以放電，而且酒店大堂仲有夾公仔機、賽車賽船飛機嘅遊戲機，Lisboy玩到唔捨得走。
泳池及健身
酒店仲有大大嘅泳池，好啱一家大細，Lisboy & Lisba即刻換好衫落去游幾圈，嬉水暢泳，而且健身室都夠晒大！
早、晚自助餐
星級酒店嘅自助餐都好吸引，晚餐好高質，有榴槤同大量嘅生蠔菜式，有燒蠔、焗蠔、炸蠔、蠔粉絲…..而且有好多新鮮材料任揀，仲可打邊爐，仲有魚生刺身、熟食、冷盤、甜品、雪糕同埋大量酒類飲品任飲任食3小時。
自助早餐食物種類繁多，有即時製作嘅粥粉麵、蛋，而且仲有新鮮水果鮮榨果汁。好多食物都是即叫即整，味道新鮮，屬於好高質嘅早餐！
中菜廳：佳寧娜潮州菜
一家人當然要食埋個豐富嘅午餐先check-out返香港。我哋在酒店三樓中菜廳「佳寧娜潮州菜」就叫咗黑松露鮑魚+招牌滷水雙人套餐慶祝一下。我哋覺得呢個套餐四個人食都夠食，成枱食物好豐富，飲個湯都要用茶壺斟出嚟，茶壺都要用蠟燭坐住，好有儀式感。
深圳好日子皇冠假日酒店
地址：廣東省深圳市福田中心區福華一路28號
交通：福田高鐵站8號出口行3分鐘；購物公園站H出口直行，過咗酒吧街就見到酒店大堂。
圖文授權：Lazy Li’s｜你是•李氏
其他好去處：
森林小火車 ￥40/位玩足50分鐘 悠閒享受唯美景致 恍如置身歐洲小鎮｜深圳好去處
大灣區七大 古城 、小鎮介紹 遊覽歷史建築/古街道 感受文化底蘊
台山 度假村 超長旋轉滑梯＋波波池親子房 露台直通大泳池！｜大灣區親子遊
即登記成為Oh!爸媽會員，或加入Whatsapp媽媽谷，緊貼第一手親子資訊。
