落雨都唔怕！ 屯門 9,000呎室內親子遊樂場 23個玩樂區 環境乾淨

呢排成日黑雨幾驚去唔到玩啊！因為弟弟一早約好同學去playhouse放電，好彩最後都照常營業。其實呢間 屯門 playhouse嚟過好多次，但係最鍾意係佢地方夠大，而且唔洗日曬雨淋。網上寫呢度有9,000呎大，雖然地點唔算係市中心地帶，但勝在空間大，玩得舒服。

呢度有23個玩樂區，場內大概有8個工作人員，會stand by喺賽車區、滑梯、沙池、波波池內。最開心有美甲專區，姐姐幫Hailiah美甲同整印水貼紙，雖然排咗一陣，但係都唔算好耐，Hailiah整完甲勁開心。

跳彈床分別有三邊，空間夠大，玩嗰陣就唔會炒埋一碟啦，呢個位幾好！跟住直接跳入波波池區，有條勁打卡able嘅時光隧道 ，又有飛索玩。另一一邊就有條有闊又大嘅瀡滑梯，有個工作人員姐姐坐喺度睇住啲小朋友。

訓練小朋友五感可以去沙池玩，空間超大，入面有好多玩具，一玩就可以玩好耐！想玩角色扮演，仲可以去公主裙區同化妝間，想扮Elsa定白雪由小朋友話事。超市入面啲水果像真度好高，仲有個好似有真火嘅火爐煮嘢食，小朋友逗留喺呢一個area就係最耐啦。

去氣球區仲可以認識新朋友，五顏六色嘅波波望到都覺得好治癒呀！無論男仔定女仔都鍾意去警察局嗰度扮警察、扮消防員救火，個game真係有水出㗎！

今日最想嚟玩就係電動車，不過佢就冇開放，車場用咗嚟踩單車 ，啲單車有啲重量，小朋友要搬開就要大人幫手啦，不過在場都有工作人員哥哥睇住嘅！

玩玩吓突然間有bubble time 唱《apt.》，成班小朋友勁high ，姐姐仲好識帶住個氣氛，成個feel都好正！

鍾意呢度係因為夠乾淨，玩嗰時唔會有塵，因為我去過一啲地方玩，我會鼻敏感得好緊要，但係呢度就冇！同埋啲玩具唔會太殘，設施都會定時翻新維修。廁所好乾淨，比小朋友去都可以放心，廁所入邊有個換片室，弟弟細個嘅時候我就喺入邊換過片，不過換片室就得一個，有時可能要排隊。

Kingdom 王國樂園室內遊樂場

地址：屯門良運街3號建生商埸2樓（惠康隔離）

購票按此

圖文授權：Hailiah媽媽爸爸Diary x 媽媽專欄

其他好去處：

本地好去處｜ 10大 屯門親子好去處 帶孩子玩轉新界西！

新蒲崗/北角 室內遊樂場 人均$33.3玩足90分鐘！暢玩攀爬架×波波池×滑梯×電玩

荔枝角AI 室內兒童遊樂場 Ganarova 人均$67/位起 6大太空宇宙主題遊戲區

即登記成為Oh!爸媽會員，或加入Whatsapp媽媽谷，緊貼第一手親子資訊。