| 日期 | 全年適用 |
差唔多到萬聖節啦！想帶小朋友感受節日氣氛兼且打卡？朗豪坊 與SANRIO人氣角色KUROMI聯手打造的「怪異影院」就最適合不過！由即日起至11月2日，商場將化身成一個可愛又帶點鬼馬的萬聖派對現場，大小KUROMI迷記得唔好錯過！
朗豪坊4樓通天廣場搖身一變，成為一個專為KUROMI打造的夢幻影院，處處都適合大小朋友打卡！最引人注目的一定是3米高KUROMI巨型充氣裝置，設計成衝破電影海報的動感模樣，生動有趣！場內亦參照劇院格局，設計了多個沉浸式打卡場景，包括由KUROMI坐鎮的復古售票處、充滿空間玩味的無限延伸戲院走廊，以及掛滿十款不同造型KUROMI表情氣球掛飾的創意小賣部。
活動特設的期間限定店，匯聚了超過300款KUROMI主題精品，其中更有五大獨家發售系列：包括讓KUROMI換上Hello Kitty等16款Sanrio好友造型的「百變舞台變裝造型系列」、充滿電影感的「影院系列」 周邊，以及玩法新奇、以刮刮卡形式隨機抽取的「鬼馬表情氣球掛飾」。
會場亦推出極具紀念價值的朗豪坊x KUROMI 20周年聯乘別注版玻璃彩繪LED發光傘，又實用又有收藏價值！
日期：2025年9月30日至11月2日
時間：上午10時30分至晚上10時
地點：朗豪坊4樓通天廣場
其他好去處：
本地好去處｜全港5區 賽馬會童亮館 10月免費開放日！設攀爬/沙池/水療設備 即睇報名方式+開放時間
香港兒童探索博物館 玩盡8大主題展區 角色扮演/觀察昆蟲標本/STEAM科學實驗
本地好去處｜香港 麥當勞 i’m lovin’ it 50周年展 重現百德新街首店風貌 大小同價$35/位
即登記成為Oh!爸媽會員，或加入Whatsapp媽媽谷，緊貼第一手親子資訊。
