【玩盡18區親子好去處】--沙田區

沙田區係發展成熟及規劃的市鎮，衣食住行玩的設施都相當齊，就算不住在此區，去那邊玩交通也很方便。今次就一次過將沙田區好玩好食整合，方便各位爸媽喺沙田區一日游！

室外放電遊樂場：

以下幾個免費遊樂場，相信係唔少父母嘅樂土，小朋友可以盡情玩樂之外，家長都可以放鬆一下。

沙田中央公園——分為南北兩個園。北園有個中式的庭園，植物種類繁多，是個生態教育的好地方。北園兒童遊樂場為恐龍主題，有不同恐龍化石裝飾以及英文生字，設計用心。

沙田中央公園——南園石山上有色彩繽紛的遊戲通道，行走時可清楚看到下面，十分刺激。

沙田交通安全公園——單車公園有齊迷你版的馬路、交通燈、斑馬線、天橋。家長可以放心俾小朋友踩單車。

史奴比開心世界——場内有較高的旋轉滑梯，適合年紀較大的小朋友。更有不少史奴比裝飾擺設供人打卡。玩完仲可以到沙田新城市廣場行街涼冷氣，非常方便。

馬鞍山公園——公園内有適合野餐草地，家長與小朋友可以打羽毛球和自備食物充電。海旁有單車徑，可以邊踩單車邊欣賞海景。沿住海旁行可以行過去烏溪沙碼頭同埋海灘。

烏溪沙海灘集碼頭——獨一無二的心形石「海之心」，更可以欣賞日落。記住要先查清楚當日潮汐水位，趁潮退時才前往，唔係「海之心」會被水淹蓋。繼續沿路走會到達渡頭村，家長有興趣可以在沙灘BBQ。

彭福公園——園內有多達60種野鳥棲息，是名副其實的野鳥天堂，鍾意鳥類嘅小朋友唔可以錯過。園內仲有以用草木堆建而成嘅植物迷宮，係小朋友考驗耐性同智慧嘅好地方。