| 地址 | 新界區 |
| 日期 | 全年適用 |
小朋友有無窮精力，所以爸媽不時都會帶佢哋去公園放電，等佢哋可以暫時放低學習嘅壓力，而自己同時又可以有休息嘅空間。以下為大家介紹10個新界區嘅好玩遊樂場，平日食完飯記得Check吓附近有冇公園，帶小朋友去玩餐飽！
位於將軍澳嘅寶康公園，堪稱係香港最多玩意嘅遊樂場！遊樂場以海盜船為主體，一共分為4大區域，小朋友可以由「船尾」玩到「船頭」，各有特式、玩法，啱晒一班「甩繩馬騮」！
▲「航海」冒險由幾條滑梯展開序幕，之後要「過五關、斬六將」，先可以順利到達船頭。
▲走入第二個玩樂區，以攀爬為主，好考小朋友嘅臂力同身體柔軟度架！
▲第三個玩樂區，係以花花設計為主嘅幼兒區，繽紛嘅色彩加上刺激好玩嘅搖搖船，會令小朋友樂而忘返。
▲終於嚟到最後一個玩樂區（船頭），有搖搖板、韆鞦等緊大家！
更多詳情：
【全港之冠】全港最多放電遊樂玩意遊樂場｜親子好去處
地址：將軍澳運隆路
交通：港鐵寶林站B2出口→步行約10分鐘（出口轉左，沿行人路直行至東華三院王余家潔紀念小學轉右直行便可到達）
開放時間：24小時
－－－－－－－－－－－－－－－－－－－－
調景嶺體育館喺2015年正式啟用，開幕短短兩年，所以所有設施都非常新淨，包括室外兒童遊樂場。有別於一般遊樂場，呢度嘅設施都比較新潮，相信小朋友去到一定會覺得好有新鮮感！
▲呢個攀爬架好好玩，企喺啲繩上面會左搖右擺，好刺激！
▲多人搖搖電單車
▲最開心係見到有條鐵滑梯，好有童年嘅感覺呀！
更多詳情：
【免費放電】將軍澳區親子一日遊懶人包
地址：將軍澳翠嶺路2號
交通：港鐵調景嶺站A2出口→步行5分鐘
開放時間：07:00-23:00
更多親子好去處：
全港24間公眾暖水游泳池開放時段