| 日期 | 全年適用 |
河邊有隻羊
羊邊有只象
象邊有隻馬騮精
好似你咁樣
炎夏酷熱都入農場玩，應該想像到要有幾吸引先有依個動力，今日去咗河邊有隻羊玩足一日，做一日小農夫，行程好豐富，仲要自己準備午餐，要做小農夫日曬雨淋，過程亦非常艱苦，雖然出咗好到汗水，確實係值得體驗。
河邊有隻羊非一般商業模式農場，無遊戲區、又無咩玩物，有嘅係最原始嘅農夫生活體驗，無論任何環境，亦要靠自己去面對，每項活動亦要靠自己去準備，一分耕耘一分收穫。
一開始先去割草為羊咩咩準備午餐，紅日高高掛，小朋友無任何埋怨，努力工作，仲要搵柴燒火做午餐，每一件材料亦要大家合力完成，眼見小朋友大汗淋漓，依然刻服去投入參與，值得鼓舞。
羊咩咩食草前就先醫下自己個肚，午餐全部要大家一手一腳去準備，由麵粉到麵團，再變成麵條，每一步亦鼓勵小朋友去完成，仲要包餃子，而農莊負責人更鼓勵父母先放棄零食，比小朋友體驗飢餓，會更努力為自己做好午餐。
