| 日期 | 全年適用 |
4月份，放假嘅日子仲多過返學。
月初就連放咗幾日假，媽媽我就安排咗個短途小旅行，帶小B去深圳觀瀾湖玩番兩日！
video: https://youtu.be/sND0YRavBIw
其實過往都擔心帶小朋友上大陸玩，第一當然係安全問題，其次就係衛生問題。所以咁耐以嚟，都係帶過小B去過一次大陸，仲要係即日來回。
不過嚟過深圳觀瀾湖之後，真心覺得好好玩，充滿大人細路都啱玩嘅玩意，有高爾夫球場、手藝工廠、生態體育園、觀瀾湖新城，全部都有免費穿梭巴士可以到達，車程最多都係5分鐘，好方便，好適合一家大細嚟，而且2日1夜係玩唔哂！好期待可以好快有下一次，再嚟玩！
好喇！而家就等我分享我哋呢個2日1夜，食、住、玩嘅盡興行程！
首先，講下交通方面，我哋就喺太子坐皇崗巴，喺皇崗過關後就去到17號舖觀瀾湖穿梭巴士候車室登記，等穿梭巴士到酒店 (車程約40分鐘)。由屋企起步計，我哋用咗兩個鐘多啲就嚟到，係方便嘅！
到達酒店隨即check-in 上房。
酒店周圍環境十分像東南亞嘅Resort！
酒店另一個泳池及康樂中心▼
