| 日期 | 全年適用 |
今次介紹嘅呢個公園，係2018年12月最萬眾觸目、最期待、香港最正嘅共融遊樂場!!
亦因為佢係萬眾觸目、個個都超期待要去玩，所以公園日日都經常爆滿。
呢到又有水玩、又有沙玩，亦係全香港最新穎嘅設計。顏色又色彩繽紛，大人細路睇見都開心。 
共融遊樂場仲分為「南」、「北」兩個部分，合共七個遊玩主題區，北面係以水中荷花為主題，提供玩水區、高高低低嘅小山丘區、彈牀、音樂小玩意如敲擊樂器和鼓等。而南面就以爬蟲動物為主題，設有唔同高度、唔同款式嘅攀爬架、滑梯。仲有沙池玩「掘蛋」，場內最吸引嘅當然唔少得鞦韆區，因為除咗有傳統鞦韆之外，仲有三款好特別嘅韆鞦，包括搖籃型鞦韆、座椅型鞦韆及親子型鞦韆。