| 日期 | 全年適用 |
自從晴晴上咗小學之後，平日可以去玩嘅機會少咗好多喇！趁住教師發展日唔駛番學，不如入去南丫島親親大自然之餘，再深入探索一下漁民文化囉！
由中環4號碼頭乘搭渡輪到榕樹灣，船程約半個鐘，好快就到咗喇！
今次之行，有晴朗舅母陪伴，太好喇！有咩嘢就煩住舅母喇喎！(晴朗媽媽hea mode啟動~)
我哋行程係先行下榕樹灣大街小巷，欣賞一下南丫島風光同埋光顧一下特色小店~
好多handmade產品，製作精美，不過由於價格稍高，我哋都只係window shopping~
混吉完之後，就要預備攀山越嶺喇！Are you READY???
向索罟灣進發！上網做過功課，好似話行大約40分鐘，似乎難度唔太高喎！
響南丫島有好多指示牌，所以唔驚迷路呀！Gogogo~