【田媽玩樂誌】高鐵長隆之旅

高鐵開通，其中一個最方便去的旅遊點相信非廣州長隆莫屬。由西九龍站乘坐高鐵到廣州南，再轉廣州地鐵便到。而長隆園區內有幾個大型樂園，大人小朋友都一定啱玩！

交通

相信大家最想知道是交通安排，畢竟高鐵是一個很新的出行方式。田媽是透過旅行社買高鐵長隆套票，我都格過價這樣比較方便和抵。因為被高鐵開通初期的長長取票人龍嚇怕，田媽提早兩日去高鐵站取票，不過其實不需要這樣做。

如果帶住小朋友或老人家同行，建議大家大概一小時前到達高鐵站，主要是預留時間辦理內地入境，因為小朋友同老人家都不能用e-道，尤其早上繁忙時間可能只有2個櫃臺辦理入境手續，人龍會比較長。

高鐵的車廂比想像中靚同乾淨，起碼不會像台灣的機鐵車廂一陣怪味。車程只需45分鐘，就到達廣州南站，從未試過咁快到廣州，感覺很奇妙。