【大阪親子遊】超好玩。神戶麵包超人兒童博物館Day 3 - Part I(超多圖)
以前對麵包超人一直無特別好感，但自從陀住和牛B之後，我就開始覺得麵包超人好可愛。
而和牛B都同樣喜歡麵包超人，特別是細菌小子。
所以今次嚟到大阪，當然要去麵包超人館參觀打個卡啦。
嚟到大阪第3日，落雨，住喺黑門市場附近嘅我哋，先去黑門市場食個早餐。
落雨關係，我哋就將行程定咗去麵包超人館，就唔需要怕落雨啦。
而麵包超人館嘅資料、相片都好多，所以又要分兩篇去介紹麵包超人館、細菌秘密基地、摩天輪及餘下行程。
當我睇咗博物館嘅介紹同埋地圖，我都已經覺得好興奮!!
商場部分店舖分得超級仔細，衣、食、住、行、玩具精品店，手信店都分得非常清楚。
