對小朋友嚟講，聖誕節除咗可以放假之外，當然唔少得一餐豐富嘅聖誕大餐。今年圓方ELEMENT就以聖誕大餐做主題，請來著名兒童文學《狐狸先生無得頂》嘅一眾主角，齊齊陪大家過聖誕！
今次ELEMENT特別邀請殿堂級人偶製作大師Ian Mackinnon，用高超嘅手藝將《狐》中活潑可愛嘅場景同角色呈現喺大家眼前，包括狐狸爸爸人偶模型、設計草圖、概念雕塑、同其他人偶模型等等。每個角色都會圍住8米高嘅聖誕樹食大餐，等緊大家嚟加入佢哋嘅聚餐！
▲人偶製作大師Ian Mackinnon
▲呢間「書屋」入面放咗唔同嘅圖書，小朋友可以坐低慢慢睇。
食大餐嘅時候，如果可以有埋美妙嘅音樂就最好！有見及此，ELEMENT邀請咗美國艾美獎作曲得主Stephen Thomas Cavit為呢個活動作咗首聖誕音樂，將會配合機動裝置，每隔半個鐘就會上演一場聖誕音樂匯演，小朋友一定會睇到眼都唔眨，拍爛手掌！
▲現場有利用咗AR技術嘅影相位，等小朋友可以同狐狸先生合照。
日期：由即日至2017年1月2日
時間：10:30 a.m. – 11:00 p.m.
地點：ELEMENTS圓方金區1樓